இயக்கம் – சிங்கீதம் சீனிவாச ராவ்
நடிகர்கள் – அயான், கெளரி, அஹல்யா பம்ரூ , ஷாலினி கொண்டேபூடி, நிவேதா பெத்துராஜ்
இசை – தேவி ஸ்ரீ பிரசாத்
தயாரிப்பு – நாக் அஸ்வின்

ஒரு குற்றவாளி தனது தண்டனை காலம் முடிந்த பின் விடுதலையாகிறான் , அவனுக்கு ஒரு இடத்தின் பத்திரம் கிடைக்கிறது அது அவனுக்கு பெரிய உதவியாக இருக்கும் என்று எண்ணி அந்த இடம் அமைந்துள்ள ஊருக்கு செல்கிறான் அங்கு இரண்டு தங்க சுரங்கம் தோண்டும் பணி நடைபெறுகிறது, ஒரு சமயத்தில் அந்த சுரங்கத்தின் முதலாளிதான் தனது தந்தை என தெரிய வருகிறது. அவரிடமிருந்து கிடைத்த பணத்தை சுருட்டிக்கொண்டு சென்று விடலாம் என்ற எண்ணத்தில் இருக்கிறான், ஆனால் அங்கிருந்து போக முடியாத ஒரு சூழலில் மாட்டுக்கொள்கிறான், அது என்ன சூழல் அங்குள்ள மக்களின் வினோத வாழ்க்கைக்கு என்ன காரணம் என்பதை நகைச்சுவையாக விவரிப்பதே இந்த ‘சிங் கீதம்’ படத்தின் கதை.

படத்தில் நாயகனாக நடித்திருக்கும் அயான், எதார்த்தமான கதாபாத்திரத்தில் ஒரு ஜாலியான இளைஞராக வலம் வருகிறார். எனினும் சென்டிமென்ட் காட்சிகளில் நம் கண்களை கலங்கடிக்கிறார், நாயகியாக நடித்திருக்கும் அஹல்யா பம்ரூ ஒரு கிராமத்து பூ போல நடித்துள்ளார், அவரது நடிப்பு நமக்கு நாம் பார்க்கும் அன்றாட பெண்ணின் குறும்புத்தனம் போல அனைவரையும் ஈர்க்கிறது,

அதே போல தங்க சுரங்கத்தின் உரிமையாளராக ஷாலினி கொண்டேபூடி நடித்துள்ளார் , அழகான முக பாவனை மூலம் ரசிகக்களை கவர்கிறார்.

இந்த படத்தில் நடித்திருக்கும் மற்ற கதாபாத்திரங்களாக நிவேதா பெத்துராஜ், ராகுல் ரவீந்திரன், சிவ நாராயணா, பெனர்ஜி மற்றும் வாம்சி தங்களது கதாபாத்திரதை கச்சிதமாக கொடுத்துள்ளனர்,

இந்த படத்தில் கூடுதல் பொறுப்பு இசையமைப்பாளருக்கு தான், படத்தில் பல பாடல்கள் இருந்தால் சற்று தொய்வு அடையும் இந்த காலத்தில் மக்கள் பேசுவதை பாடலாக்கி அதனை ரசிக்கும் படியாகவும் செய்துள்ளார், கண்டிப்பாக இசையமைப்பாளர்கள் தேவி ஸ்ரீ பிரசாத், பெரிதும் பேசப்படுவார், அதே போல் ஒளிப்பதிவாளர் அங்கூர்.சி உண்மை எது, செயற்கை எது என்று கண்டறிய முடியாதபடி காட்சிகளை படமாக்கியிருக்கிறார்.

பேசும் படம்’ மூலம் சினிமா உலகையே கவர்ந்த இயக்குநர் சிங்கீதம் சீனிவாச ராவ் இப்படி ஒரு வித்தியாச படைப்பை கொடுத்து மீண்டும் நம்மை பிரம்மிக்க செய்துள்ளார்,
புதிய மற்றும் வித்தியாசமான முயற்சி என்றாலும், அதை சரியான முறையில் திரையில் கொண்டு வந்துள்ளார், இத்தனை வருடங்கள் கடந்தும் அதே உழைப்பை கொடுத்துள்ளது ஆச்சர்யம் தான் ,

மொத்தத்தில், ‘சிங் கீதம்’ கண்டிப்பாக அனைவரையும் வியக்க வைக்கும்.

இயக்கம் – சந்தோஷ் ராவணன்
நடிகர்கள் – பிரஜின், இவானா வருண் , எம்.கே.சாம்பசிவம், செந்தி குமாரி
இசை – ஹரி.எஸ்.ஆர்
தயாரிப்பு – எம் கே சாம்பாசிவம்

ஒரு பெண்ணை காதலிக்கும் ஒருவன் கொடூரமாக கொலை செய்யப்படுகிறார். சில மாதங்களுக்குப் பிறகு பெற்றோர்களின் வற்புறுத்தலால் அந்த பெண்ணுக்கு ஒரு திருமண ஏற்பாடு செய்யப்படுகிறது. ஒரு வழியாக நிச்சயம் முடிந்த நிலையில் அந்த பெண்ணை திருமணம் செய்யப்போகும் மாப்பிள்ளை மாடியில் இருந்து குதித்து தற்கொலை செய்து கொள்கிறார். இதையும் கஷ்டபட்டு கடந்து மற்றொரு திருமணத்திற்கு ஏற்பாடு நடக்கிறது, இந்நிலையில் அந்த மாப்பிள்ளையும் ஒரு விபத்தில் சிக்கி உயிரிழக்கிறார். இந்த மரணம் அனைத்துக்கும் காரணம் அந்த குடும்பம் என்கிற ஒரு சந்தேகம் வருகிறது, இதனை ஒரு காவல் அதிகாரி விசாரிக்கிறார், அப்படி அவர் விசாரணை செய்யும்போது பல திடுக்கிடும் உண்மைகள் வெளிவருகிறது , அது என்ன அதன் பின் என்ன ஆனது என்பதே இந்த அந்தரன் படத்தின் மீதிக்கதை.

இந்த படத்தில் ஒரு நேர்மையான மிடிக்கிடும் காவல்துறை அதிகாரியாக பிரஜின் நடித்துள்ளார், ஒரு பக்கம் கம்பீரமான காவல் அதிகாரியாக இருந்தாலும் காதல் காட்சிகளில் கலக்குகிறார், அவருக்கு நிகராக கதாநாயகியாக நடித்திருக்கும் இவானா வருண் தனது நடிப்பை கொடுத்துள்ளார், ரசிகர்களை தனது முக பாவனை கொண்டு கவர்கிறார்,

மற்ற கதாபாத்திரங்களில் நடித்திருக்கும் எம்.கே.சாம்பசிவம், அம்மாவாக நடித்திருக்கும் செந்தி குமாரி, அனுபமா குமார், அதிரன், ரமேஷ்பாபு கீதா, பத்மன், பிரியங்கா செல்வி, ஆகியோர் கொடுத்த கதாபாத்திரத்தை புரிந்து நடித்துள்ளனர்,

ஹரி.எஸ்.ஆர் இசையில் பாடல்களை விட பின்னணி இசை காட்சிகளின் விறுவிறுப்பை அதிகரிக்கச் செய்கிறது. பாடல்களும் கேட்கும் வண்ணம் இருந்தது, இந்த படத்திற்கு கிஷோர் ராமச்சந்திரன் ஒளிப்பதிவு செய்துள்ளார், அவரது பணியும் பாராட்டும் வண்ணம் இருந்தது,

இந்த படத்தை சந்தோஷ் ராவணன் எழுதி இயக்கியுள்ளார் , நாம் பல கதைகளில் பார்த்த அதே தொடர் கொலை சாயலை வைத்து ஒரு வித்தியாசமான முறையில் கதை கூறியுள்ளார், ஆரம்பத்தில் இருக்கும் சஸ்பென்சை படம் முடியும் வரை பிடித்து வைத்திருப்பது பாராட்டிற்கு உகந்தது, திரைக்கதையில் இன்னும் வேலை செய்திருந்தால் ராட்சசன் அளவிற்கு வந்திருக்கும் எனினும் ஒரு நல்ல திரில்லர் அனுபவமாக இருக்கிறது.

மொத்தத்தில், ‘அந்தரன்’ சஸ்பென்ஸ் கலந்த ஒரு புதிய முயற்சி.

இயக்கம் – ஹரிஸ் துரைராஜ்
நடிகர்கள் – அர்ஜுன் தாஸ், அன்ன பென் வடிவுக்கரசி, யோகி பாபு
இசை – ஷான் ரோல்டன்
தயாரிப்பு – ஹரிஸ் துரைராஜ்

எந்தவித தொடர்பும் இல்லாத நான்கு பேர் பொருளாதார பிரச்சனையில் சிக்கி தவிக்கிறார்கள். அவர்களது நிலையை மாற்றுவதற்காக கிடைக்கும் வாய்ப்பை பயன்படுத்தி மோசடி மூலம் பணம் சம்பாதிக்க தொடங்குகிறார்கள். அந்த பணத்தை வைத்து குறுகிய காலத்தில் அதிக வருமானம் ஈட்டும் முயற்சியில் ஈடுபடும் போது அவர்கள் அனைவரும் ஏமாற்றப்படுகிறார்கள். தங்களது பணத்துடன், மக்களின் பணத்தையும் இழந்து விட்ட அவர்களை போலீஸ் கைது செய்ய, அங்கிருந்து தப்பித்துச் செல்பவர்கள் ஒன்றாக சேர்ந்து ஒரு குடும்பமாக தலைமறைவு வாழ்க்கை வாழ்கிறார்கள். இதற்கிடையே அவர்கள் இருக்கும் இடத்தை கண்டிபிடிக்கும் ஓய்வு பெற்ற போலீஸ் இன்ஸ்பெக்டர், அவர்களை வைத்து கோடிக்கணக்கில் பணம் சம்பாதிக்க திட்டம் போடுகிறார். அவரது மிரட்டலுக்கு அடிபணிபவர்கள், மீண்டும் சென்னைக்கு திரும்பி பெரும் மோசடி மூலம் பணம் சம்பாதிக்க திட்டம் போடுகிறார்கள். அவர்களின் திட்டம் வெற்றி பெற்றதா ?, இல்லை அந்த போலீஸ் காரரின் மூலம் மீண்டும் ஜெயிலுக்கு சென்றாரா என்பது தான் மீதிக்கதை.

இதில் நாயகனாக அர்ஜுன் தாஸ் நடித்துள்ளார், தனது இறுக்கமான கதாபாத்திர கட்டமைப்பில் இருந்து விலகி கொஞ்சம் ரிலாக்ஸ் செய்யும் விதத்திலான கதாபாத்திரத்தில் நடித்திருக்கிறார். நகைச்சுவைக்கு முக்கியத்துவம் உள்ள கதைக்களம் என்பதால் தனக்கு கிடைத்த வாய்ப்புகளை சரியாக பயன்படுத்தி, தன்னால் கமர்ஷியல் நாயகனாகவும் பயணிக்க முடியும் என்பதை படம் முழுவதும் நிரூபித்திருக்கிறார். நிச்சயம் அவரது மதிப்பு முற்றிலுமாக மாறியுள்ளது என்பதை பார்க்க முடிகிறது.

மலையாளத்தில் முக்கிய நாயகியாக இருக்கும் அன்னா பென் மோசடியால் ஏமாற்றப்பட்டு, அதே மோசடி மூலம் தனது நிலையை மாற்றும் கதாபாத்திரத்தில் நடித்துள்ளார், அளவான நடிப்பின் மூலம் தனது கதாபாத்திரத்திற்கு பலம் சேர்த்திருக்கிறார் என்பது உண்மை. நகைச்சுவைக்கு முக்கியத்துவம் உள்ள படம் என்றாலும், யோகி பாபு தனது பாணியை கைவிட்டுவிட்டு புதிதாக சில விஷயம் முயற்சித்திருக்கிறார். தனது வழக்கமான உடல்கேலி வசனங்களை முற்றிலும் தவிர்த்திருப்பவர், தனது சோகமான முகம் மற்றும் நடிப்பு மூலம் பார்வையாளர்களை சிரிக்க வைக்க முயற்சித்திருக்கிறார். யோகி பாபுவின் அம்மாவாக நடித்திருக்கும் வடிவுக்கரசி, பிளாக் காமெடி காட்சிகளுக்கு ஏற்ப கச்சிதமான எக்ஸ்பிரஷனோடு சிரிக்க வைக்கிறார். குறிப்பாக யோகி பாபு உடனான அவரது காட்சிகளும், அதில் அவர் வெளிப்படுத்திய நடிப்பும் அவருக்கு புதிய அடையாளத்தை கொடுப்பதோடு, பார்வையாளர்களை சிரிக்கவும் வைக்கிறது.இதன் மூலமாக அவருக்கு மீண்டும் பல வாய்ப்புகள் வரும் .

அகிலன், நந்தகோபால், விடிவி கணேஷ், தீப ராமானுஜம், ராதாரவி, அருள்தாஸ், ஷாஜி சென், தம்பி ராமையா, ரமேஷ் திலக், பரத்வாஜ் ரங்கன், இமான் அண்ணாச்சி, பொன்வண்ணன், ராகு எசக்கி, சதானந்த் ஆகியோர் கொடுத்த வேலையை சரியாக செய்திருக்கிறார்கள்.

வழக்கம் போல ஷான் ரோல்டன் இசையில் பாடல்கள் இணைந்தும் மீண்டும் மீண்டும் கேட்கும்படி உள்ளது. பின்னணி இசை காட்சிகளின் விறுவிறுப்பை அதிகரிக்க செய்யும் விதத்தில் பயணித்திருக்கிறது. அதே போல ஒளிப்பதிவாளர் அரவிந்த் விஸ்வநாத் காட்சிகளை தரமாக படமாக்கியுள்ளார் .

இந்த படத்தை எழுதி இயக்கியிருக்கும் ஹரிஸ் துரைராஜ், புத்திசாலித்தனம் அல்லது தந்திரமான திட்டங்கள் மூலம் நடத்தப்படும் மோசடிகளை, நகைச்சுவை பின்னணியோடு சொல்ல முயற்சித்திருக்கிறார். முதன்மை கதாபாத்திரங்களின் முகத்தில் சிரிப்பை வெளிக்காட்டாமல் காட்சிகளை கையாண்டிருப்பது புதிதாக இருக்கிறது. இந்த முயற்சி வெற்றியும் கொடுத்திருக்கிறது.

மொத்தத்தில், ‘கான் சிட்டி’ உண்மையை காமெடி கலந்து சொல்லும் ஒரு நகைச்சுவை படம்.

இயக்கம் – தென்பாதியான்
நடிகர்கள் – கே.ஜெ.ஆர், விஜி வெங்கடேஷ்,  இசபெல்லா, வசுந்தரா,  ரமா
இசை – ஜிப்ரான் வைபோதா
தயாரிப்பு – பிரசாந்த், அஜித் பாஸ்கர்

குடிசையில் வாழும் ஒருவன் சிறு வயதில் இருந்தே தடகள விளையாட்டில் ஈடுபாடு காட்டி வருகிறார். ஓட்டப்பந்தய விளையாட்டில் அதீத ஈடுபாடு காட்டி வரும் அவனுக்கு எவ்வித அடிப்படை வசதிகளும் இல்லை என்றாலும், தேசிய அளவிலான போட்டியில் சாதனை புள்ளிகளோடு சாம்பியன் பட்டம் வென்று காமன்வெல்த் போட்டிக்கு நேரடியாக தகுதி பெறுகிறார். ஆனால் தேசிய தடகளச் சங்கம் அவரது முன்னேற்றத்திற்கு முட்டுக்கட்டைப் போடுகிறது. எப்படியாவது சர்வதேச போட்டியில் சாம்பியன் பட்டம் வென்று சாதிக்க துடிக்கும் அவர் மாநில விளையாட்டுத் துறை, விளையாட்டுத்துறை அமைச்சர் என்று பல இடங்களில் முறையிட்டாலும், பயன் இல்லாமல் போகிறது. விளையாட்டுத் துறையில் தனக்கு கிடைக்க வேண்டிய அங்கீகாரத்தை பெற முயற்சிக்கிறார். இந்த முயற்சியில் அவர் வெற்றி பெற்றாரா? இல்லைய ?, என்பதை பல உண்மை மனிதர்கள் வாழ்வின் வலிகளை சேர்ந்து சொல்வதே இந்த ‘அங்கீகாரம்’ படத்தின் மீதிக்கதை.

இதில் நாயகனாக நடித்திருக்கும் திரைப்பட தயாரிப்பாளர் கே.ஜெ.ஆர், தடகள வீரருக்கான உடல்மாற்றத்தை வியக்கும்படி மேற்கொண்டிருக்கிறார். அதற்காக அவர் கடுமையான உடற்பயிற்சியை செய்திருப்பது படம் முழுவதும் தெரிகிறது.  இந்த படத்துக்கு தனது பெரும் உழைப்பை கொடுத்துள்ளார் .

அதே போல அரசு வழக்கறிஞராக நடித்திருக்கும் விஜி வெங்கடேஷ், நாயகனின் சகோதரியாக நடித்திருக்கும் இசபெல்லா, தடகள விளையாட்டுப் பயிற்சியாளராக நடித்திருக்கும் வசுந்தரா, நாயகனின் அம்மாவாக நடித்திருக்கும் ரமா, நாயகனின் தோழியாக தடக வீராங்கனையாக நடித்திருக்கும் சிந்தூரி, தேசிய தடகள சங்கத்தின் தலைவராக நடித்திருக்கும் ஷான், மாநில விளையாட்டுத்துறை அதிகாரியாக நடித்திருக்கும் அருள் டி.சங்கர், விளையாடுத்துறை அமைச்சராக நடித்திருக்கும் மன்சூர் அலிகான், என அனைவரும் கதாபாத்திரத்தை உள்வாங்கி சிறப்பாக நடித்துள்ளனர் ,  குறிப்பாக நீதிபதிகளாக நடித்திருக்கும் ரங்கராஜ் பாண்டே மற்றும் மோகன் ராமன்   திரைக்கதையின் ஓட்டத்திற்கு உறுதுணையாக பயணித்திருக்கிறார்கள்.

இந்த படத்த ஜிப்ரான் வைபோதா இசை படத்திற்கு பெரிய அளவில் கைகொடுத்திருக்கிறது.  Athe போல் ஒளிப்பதிவாளர் ஏ.விஸ்வநாத், சென்னையின் குடிசைப் பகுதிகளில் நேரடியாக காட்சிகளை படமாக்கியிருக்கிறார். தடகள போட்டியையும் எதார்த்தமாக காட்சிப்படுத்தியுள்ளார்.

இந்த படத்தை எழுதி இயக்கியிருக்கும் தென்பாதியான், தமிழகத்தில் மட்டும் அல்ல இந்திய அளவில் விளையாடுத்துறையில் நடக்கும் மோசடிகளை வெளிச்சத்திற்கு கொண்டு வரும் முயற்சியை மேற்கொண்டிருப்பதோடு, கிரிக்கெட்டுக்கு கிடைக்கும் முக்கியத்துவம் மற்ற விளையாட்டுகளுக்கு கிடைப்பதில்லை ஏன் ? என்ற கேள்வியையும் எழுப்பியுள்ளார். மற்ற துறை விளையாட்டு வீரர்கள் மனதில் ஏற்படும் ஏக்கங்களையும் திறமை இருந்தும் வாய்ப்பு கிடைக்காமல் இருக்கும் வீரர்களில் வேதனையும் நம்மிடம் கடத்தியதில் இயக்குநர் வெற்றி பெற்றிருக்கிறார்.

மொத்தத்தில், ’அங்கீகாரம்’ படத்திற்கு மக்கள் மத்தியில் சிறந்த அங்கீகாரம் கிடைக்கும்.

இயக்கம் – கிஷோர் குமார்
நடிகர்கள் – சனத் , இமயா , மடோனா செபாஸ்டின்
இசை – ராஜேஷ் முருகேசன்
தயாரிப்பு – ஸ்டெப் ஒன் ஸ்டுடியோ – ரவீந்திரன்

ஜெய்ப்பூரில் உள்ள தனது நண்பரின் உணவகத்தில் பணியாற்றும் நாயகனும், ஐடி துறையில் பணியாற்றும் ஒரு தமிழ் பெண்ணும்  நண்பர்களாக பழகுகிறார்கள். அந்த பெண் மீது அவனுக்கு காதல் மலர்கிறது. ஆனால், அவளது காதலை அவன் ஏற்க மறுக்கிறார். அதற்கான காரணமாக தனது முதல் காதல் பிரிவால் ஏற்பட்ட வலியை மீண்டும் அனுபவிக்கும் சக்தி தனக்கு இல்லை என்கிறார். அவரது முன்னாள் காதல் பற்றி அறிந்துக் கொண்ட பிறகும் அவர் மீது காதலோடு இருக்கும்  அந்த பெண்ணை அவனும் காதலிக்கிறார்.  காதல் மூலம் மீண்டும் தனது மகிழ்ச்சிகரமான வாழ்க்கைக்கு திரும்பிய அவனுக்கு விபத்து ஒன்றின் மூலம் தலையில் அடிபட்டு, தனது 6 வருட நினைவுகளை இழந்து விடுகிறார். இதனால், அவன் தனது காதலை மறந்துவிடுவதோடு, காதலை முறித்துகொண்டு தன்னைவிட்டு பிரிந்து சென்ற முன்னாள் காதலியின் பிரிவு சம்பவத்தையும் மறந்துவிடுபவர், பழைய நினைவுகளோடு தனது முன்னாள் காதலியை சந்திக்க செல்கிறார். இதன் பின் என்ன ஆனது அவன் யாரை மீண்டும் காதலித்தான் யாரை திருமணம் செய்து கொள்ள போகிறான் என்பதே காதல் கலந்த நகைச்சுவையுடன் சொல்வதே இந்த ஹார்ட்டின் படத்தின் மீதிக்கதை.

இந்த படத்தில் நாயகனாக நடித்திருக்கும் சனத், இரண்டு நாயகிகள் இருந்தாலும் டூயட் மற்றும் ரொமான்ஸ் காட்சிகள் இன்றி, ஒரு கதாபாத்திரமாகவே வலம் வந்திருக்கிறார். முதல் காதலியை உருகி உருகி காதலிப்பவர், அவரது பிரிவால் இறுக்கமான மனநிலையில் இருப்பதும், இமயா உடனான காதலுக்குப் பிறகு மகிழ்ச்சியான மனநிலைக்கு மாறுவது என்று நடிப்பில் ஸ்கோர் செய்திருக்கிறார்.  பழைய நிகழ்வுகள் ஏதும் நியாபகம் இல்லாமல் இருக்கும் காட்சிகளில் சிறப்பாக நடித்துள்ளார்,

அதே போல் அறிமுக நடிகை இமயா, புதுமுகம் என்ற அடையாளமே தெரியாதபடி தைரியமாகவும், தன்னம்பிக்கையுடனும் நடித்திருக்கிறார். அவரது திரை இருப்பு மற்றும் நடிப்பு அவரது கதாபாத்திரத்திற்கு பெரும் பலம் சேர்த்திருக்கிறது. மடோனா செபாஸ்டியன், காதலருக்கு இணையாக தன்னால் காதலில் நேர்மையாக இருக்க முடியாத நிலையை எண்ணி வருந்தும் காட்சியிலும், தான் நிராகரித்த காதல் மீண்டும் தன்னை தேடி வரும்போது, தடுமாறும் காட்சியிலும் எதார்த்தமாக நடித்து கவனம் ஈர்க்கிறார். நாயகனின் நண்பராக நடித்திருக்கும் வாட்ஸ்-அப் மணி குணச்சித்திர வேடத்துடன் நகைச்சுவையாகவும் நடித்து சில காட்சிகளில் சிரிக்க வைக்கிறார். அவரது மனைவியாக நடித்திருக்கும் டெப்னிதா கொடுத்த வேலையை சரியாக செய்திருக்கிறார்.

ராஜேஷ் முருகேசனின் இசையில் பாடல்கள் அனைத்தும் திரும்ப திரும்ப கேட்கும் மெலோடி ரகம். பின்னணி இசை படத்திற்கு மேலும் பலத்தை அளிக்கிறது. ஒளிப்பதிவாளர் முகேஷ்வரன்.வி, ஜெய்ப்பூர் மற்றும் ஊட்டியை அழகியலோடு காட்சிப்படுத்தி கண்களுக்கு காட்சி விருந்து படைத்திருக்கிறார். படம் கலர்புல்லகாக இருந்தது.

இதனை எழுதி இயக்கியிருக்கும் கிஷோர் குமார், காதல் கதை மூலமாக பார்வையாளர்களை உருக வைப்பதற்கு பதிலாக, நினைவுகளை இழந்த நாயகனின் காதல் கதைகளை காமெடியாக சொல்லி ரசிக்க வைக்க முயற்சித்திருக்கிறார். பார்வையாளர்களை கவர்வதோடு, அவர்களது ஆழ் மனதில் இருக்கும் காதல் நினைவுகளை தட்டி எழுப்புவதற்கு முயற்சித்திருக்கிறார்.  முன்னாள் காதல் மற்றும் இன்னாள் காதல் என்று ஒரே நேரத்தில் இரண்டு காதலிகளுடன் பயணிக்கும் நாயகனின் செயலும், இறுதியில் யாருடன் அவர் இணைவார் ? என்ற கேள்வியும் படத்தை சற்று சுவாரஸ்யமாக நகர்த்தி செல்கிறது.

மொத்தத்தில் ‘ஹார்ட்டின்’ கண்டிப்பாக ஒரு வித்தியாசமான காதல் கதை.

இயக்கம் – சவிர் சுதாகர்
நடிகர்கள் – வைபவ் முருகேசன், லாவண்யா அன்பழகன், வெங்கட பாலமுரளி மற்றும் ஜகபர் சாதிக்
இசை – பரத் தனசேகன்
தயாரிப்பு – Zee 5

ஓர் கிராமத்தில் சில நண்பர்கள் கொண்ட குழு கிரிக்கெட் விளையாடி வருகின்றன, அவர்கள் இணைந்து மம்மட்டியான் ஸ்டார்ஸ் என்ற ஒரு அணியை நடத்தி வருகின்றனர், அதில் மூன்று நண்பர்கள் கிரிக்கெட் வீரர் எம்.எஸ்.டோனியின்  தீவிர ரசிகர்களாகவும் இருக்கிறார்கள். இந்நிலையில் அவர்களது சொந்த கிராமத்தில் நடத்தப்படும் கிரிக்கெட் போட்டியில் அவர்களது அணி பங்கேற்று விளையாடி வருகிறது பரிசு தொகையாக 50 ஆயிரம் அறிவிக்க படுகிறது, அந்த தொகையை வைத்து சென்னையில் நடக்கும் கிரிக்கெட் போட்டியை நேரில் பார்க்க வேண்டும் என்று முடிவு செய்கிறார்கள். திடீரென ஏற்பட்ட ஒரு சம்பவத்தால் போட்டி நடத்தப்படாமல் நின்று விடுகிறது. போட்டி பரிசுத் தொகை பணத்தை திருடி கிரிக்கெட் போட்டிக்கான டிக்கெட் வாங்குகின்றனர் . போட்டியை நேரில் பார்க்கப்போகும் போது தங்களிடம் இருக்கும் டிக்கெட் போலி என்று தெரிந்ததும் பேரதிர்ச்சியடைகிறார்கள். அதன் பின் அந்த போட்டியை அவர்கள் பார்த்தார்களா ? இல்லையா ? என்பதை சொல்வது தான் இந்த ‘மம்மட்டியான் பாய்ஸ்’ தொடரின் கதை.

இந்த தொடரின் முதன்மை கதாபாத்திரங்களில் நடித்திருக்கும் வைபவ் முருகேசன், லாவண்யா அன்பழகன், வெங்கட பாலமுரளி மற்றும் ஜகபர் சாதிக் ஆகியோர் தங்களுக்கு கொடுக்கப்பட்ட கதாபாத்திரத்தை சிறப்பாக செய்துள்ளனர், உண்மையான நண்பர்கள் போலவே தொடர் முழுவதும் வலம் வருகிறார்கள். அந்த அந்த கதாபாத்திரங்களாகவே நம் மனதில் பதிந்து விடுகிறார்கள். நாயகனின் முன்னாள் காதலியாக நடித்திருக்கும் லாவண்யா அன்பழகன் ஆண்களால் எப்படி கட்டுப்படுத்தப்படுகிறார்கள் என்பதை தனது இயல்பான நடிப்பின் மூலம் சிறப்பாக பிரதிபலித்திருக்கிறார்.  நான் கடவுள் ராஜேந்திரன், விவேக் பிரசன்னா ஆகியோர் கொடுத்த கதாபாத்திரத்தை சிறப்பாக செய்துள்ளனர்,

இந்த தொடருக்கு பரத் தனசேகன் இசையமைத்துள்ளார் அவரது பின்னணி காட்சிக்கு கவனம் ஈர்க்கிறது. அதே போல ஒளிப்பதிவும் திறம்பட கையாளப்பட்டுள்ளது ஒளிப்பதிவாளர் பி.எம்.ராஜ்குமார் கிராமம் மற்றும் நகரத்தின் வித்தியாசங்களையும் கதாபாத்திரங்களிடமும் வேறுபாட்டை காண்பிக்கும் வகையில் காட்சிகளை படமாக்கியிருக்கிறார். நிச்சயம் பாராட்டுக்கள்.

இந்த தொடரின் கதை ,  திரைக்கதை எழுதி அதனை இயக்கியிருக்கிறார் இயக்குனர் சவிர் சுதாகர்,  பிரபலங்களை கொண்டாடும் இளைஞர்கள் அவர்களை பின் தொடரலாம், ஆனால் அவர்கள் மீது பித்துப்பிடித்து அலையக்கூடாது, என்ற கருத்தை நகைச்சுவையோடு சேர்த்து சொல்லியிருக்கிறார், கிரிக்கெட்டால் நடக்கும் சூதை உண்மைக்கு நெருக்கமாக சொல்லியிருக்கிறது இந்த குழு .

மொத்தத்தில், ‘மம்மட்டியான் ஸ்டார்ஸ்’ ரசிகனின் மாண்பை எப்படி கடை பிடிக்க வேண்டும் என்பதற்கு ஒரு எடுத்துக்காட்டு.

இயக்கம் – ஜியென் கிருஷ்ணகுமார்
நடிகர்கள் – ஆர்யா, முரளி கோபி, தேவ், சுனில்மோகன், இந்திரன்ஸ்.
இசை – பி.அஜனீஸ் லோக்நாத்
தயாரிப்பு – கோகுலம் கோபாலன்.

தமிழீழப் போராளியான ஒருவன் இலங்கை ராணுவத்துடனான மோதலுக்குப் பிறகு தப்பித்து கேரளாவில் தஞ்சம் அடைகிறார். அங்கிருக்கும் குடிசைப்பகுதியில் வாழும் குற்றப் பின்னணி கொண்ட சிலர் அவருக்கு அடைக்கலம் கொடுக்கின்றனர். இதற்கிடையே, தனது அரசியல் எதிரிகளை அழிப்பதற்காக, காவல்துறை உயர் அதிகாரி மூலம், குற்றப் பின்னணி கொண்ட கும்பலை பயன்படுத்தும் கேரள மாநில முதல்வர், அவர்கள் மூலம் தமிழகத்தின் தென் மாவட்டத்தைச் சேர்ந்த செல்வந்தர் ஒருவரை கொலை செய்ய திட்டம் போடுகிறார். அந்த கும்பல் முதல்வரின் திட்டத்தை நிறைவேற்றுவதற்கு முன்பாக, அவர்கள் அடைக்கலம் கொடுத்த அந்த போராளி அந்த நபரை கொடூரமாக கொலை செய்கிறார். அந்த கொலை சம்பவத்திற்குப் பிறகு அவர்களது வாழ்க்கை என்ன ஆனது என்பதை பல உள்கதைகளை கொண்டு விவரிப்பதே இந்த அனந்தன் காடு.

இந்த படத்தில் கதையின் நாயகனாக நடித்திருக்கும் ஆர்யா தனது முழு ஒத்துழைப்பையும் கொடுத்து கதாபாத்திரத்தை சரியாக செய்திருக்கிறார். ஆக்‌ஷன் காட்சிகளில் அமர்க்களப்படுத்தியிருப்பவர் அளவாக நடித்து தனது கதாபாத்திரத்திற்கு நியாயம் சேர்த்திருக்கிறார்.

மற்றொரு முக்கிய கதாபாத்திரத்தில் குற்றப் பின்னணி கொண்ட நால்வர் குழுவினராக நடித்திருக்கும் முரளி கோபி, தேவ் மோகன், இந்திரன்ஸ் மற்றும் அப்பானி சரத் ஆகியோர் கதாபாத்திரங்களுக்கு பொறுத்தமான தேர்வாக இருப்பதோடு, உணர்வுப்பூர்வமான காட்சிகளில் சிறப்பாக நடித்திருக்கிறார்கள். மேலும் ஆந்திர மாநிலத்தைச் சேர்ந்த கேரள மாநில காவல்துறை உயர் அதிகாரியாக நடித்திருக்கும் சுனில், கேரள முதல்வராக நடித்திருக்கும் விஜயராகவன், சாந்தி பாலச்சந்திரன், ரெஜினா கசாண்டரா, ஜெயின் பவுல், நிகிலா விமல், அச்யூத் குமார் என மற்ற கதாபாத்திரங்களில் நடித்திருப்பவர்கள் கொடுத்த வேலையை குறையின்றி செய்திருக்கிறார்கள்.

பி.அஜனீஸ் லோக்நாத்தின் பாடல்கள் பெரிதாக ஈர்க்கவிட்டாலும் அவரது பின்னணி இசை அழுத்தமான காட்சிகளுக்கு கூடுதல் பலம் சேர்த்திருக்கிறது. ஒளிப்பதிவாளர் எஸ்.யுவா 90-காலக்கட்டத்தையும், சம்பவங்களையும் தத்ரூபமாக காட்சிப்படுத்தியிருக்கிறார், கண்டிப்பாக அவருக்கு பாராட்டுக்கள் அதே போல கலை இயக்குனருக்கும் பாராட்டுக்கள்.

இந்த படத்தின் கதை, திரைக்கதை, வசனம் என அனைத்தையும் எழுதியிருக்கிரார். அதனை ஜியென் கிருஷ்ணகுமார் இயக்கியுள்ளார், அவரது இயக்கத்தில் படம் விறுவிறுபாகவும், வேகமாகவும் பயணிக்கிறது. ஆக்‌ஷன் காட்சிகளை வடிவமைத்த விதம், நடிகர்களிடம் வேலை வாங்கியது மற்றும் மேக்கிங் ஆகியவை, ரசிகர்களை முழுமையாக திருப்திப்படுத்தும் ஆக்‌ஷன் படமாக இருக்கிறது . எனினும் ஆங்காங்கே சில கருத்து வேறுபாடுகள் படத்தில் உள்ளன. எனினும் அதை இயக்குனர் சாதுர்யமாக கையாண்டுள்ளார்.

மொத்தத்தில், ‘அனந்தன் காடு’ கண்டிப்பாக சஸ்பென்ஸ் கலந்த ஆக்ஷன் விருந்து