இயக்கம் – கல்யாண் கே.ஜெகன்
நடிகர்கள் – பாக்யராஜ், அஜய் கார்த்திக் ,நட்டி, அஞ்சனா நேத்ரன்
இசை – மனு ரமேஷ்
தயாரிப்பு – ஏ பி வி மாறன், கணேஷ் பாபு .
வயதான நபர் ஒருவரின் வீட்டில் வாடகைக்கு குடியிருக்கும் மூன்று நபர்கள் குடியிருக்கின்றனர். திடீரென ஒரு நாள் அந்த மூவரில் ஒருவன் மற்ற இருவரையும் கொலை செய்து விட்டு தானும் தற்கொலை செய்து கொள்கிறான், இந்த சம்பவம் அங்கு ஒரு பரபரப்பை ஏற்படுத்தியுள்ளது, இதனால் யாரும் அந்த வீட்டிற்கு குடி வர விரும்பவில்லை, இந்த சமயம் ஒரு இளைஞன் வாடகை கம்மியாக இருப்பதால் சுற்றி இருப்பவர்கள் சொல்வதை ஒரு பொருட்டாக மதிக்காமல் அந்த வீட்டிற்கு குடி வருகிறான், இந்நிலையில் சில நாட்களில் அந்த இளைஞன் தன்னை தானே தாக்கிக் கொண்டு இறந்து விடுகிறான் , சில நாட்களில் அந்த வயதானவரும் இறந்து விடுகிறார், இதனை விசாரிக்க ஒரு காவல்துறை அதிகாரியை அரசு நிர்வகிக்கிறது , அவர் அதை விசாரணை செய்யும்போது பல திடுக்கிடும் தகவல்கள் கிடைக்கிறது, அது என்ன ? அதற்கும் இறந்தவர்களின் மரணத்திற்கும் அதற்கும் என்ன சம்பந்தம் என்பதை திகில் கலந்து விவரிப்பதே இந்த டார்க் படத்தின் கதை.
நாயகன் அஜய் கார்திக் , திகில் படங்களுக்கு சரியான தேர்வாக இருக்கிறார் , ஒரு இளைஞனுக்கு இருக்கும் தைரியம் உண்மையில் பேய் வீடு என்பது தெரிந்த பின்னர் அவனது நடவடிக்கை என அனைத்தும் சிறப்பாக உள்ளது, கதாப்பாத்திரதுக்கு தேவையான நடிப்பை கொடுத்துள்ளார்,
அதே போல மிடுக்கான காவல்துறை அதிகாரியாக நட்டி நடித்துள்ளார், சாதாரண தற்கொலை வழக்கு விசாரிக்க விசாரிக்க பலம் திருப்பம் ஏற்படுகிறது, அதை தனது நடிப்பால் நம்மிடம் சிறப்பான காட்டியுள்ளார், சமீபத்தில் மறைந்த இயக்குநர் கே.பாக்யராஜ், தனது அனுபவமான நடிப்பு மூலம் படத்தை வேறு தளத்திற்கு எடுத்து சென்றுள்ளார். மற்ற கதாபாத்திரங்களாக அஞ்சனா நேத்ரன், விடிவி கணேஷ், இந்துமதி மணிகண்டன், சிபி சக்கரவர்த்தி ஆகியோர் தேவையான நடிப்பை கொடுத்துள்ளனர்,
இந்த படத்திற்கு மனு ரமேஷ் இசையமைத்துள்ளார், அவரது இசையில் பாடல்கள் கேட்கும் ரகமாக இருக்கிறது, பின்னணி இசை படத்திற்கு கூடுதல் பலம். அதே போல ஒளிப்பதிவாளர் ரவி சக்தி ஒரு திகில் படத்திற்கு தேவையான ஒளிப்பதிவை செய்துள்ளார், இரவு நேரங்களில் கேமரா சிறப்பாக காட்சி படுத்தப்பட்டுள்ளது,
இயக்குனர் கல்யாண் கே.ஜெகன், ஒரு வீட்டை வைத்து சஸ்பென்ஸ் கலந்த திகில் படத்தை கொடுக்க முயற்சி செய்துள்ளார், என்னதான் படம் ஒரு வீட்டுக்குள் நடந்தாலும் நம்மை சலிப்படைய செய்யாமல் திரைக்கதையில் புது புது விஷயங்களை கொடுத்து நம்மளை கதையோடு ஒன்ற வைத்துள்ளார் இயக்குனர், நிச்சயம் பாராட்டுக்கள். இதில் ஒரு புதிய முயற்சியாக அதிக சத்தம் இல்லாமல் அமைதியை வைத்து நம்மை அச்சப்பட வைத்துள்ளனர் படக்குழு.
மொத்தத்தில், ‘டார்க்’ நம்மை கண்டிப்பாக இருக்கையின் நுனியில் அமர வைக்கும்.
