இயக்கம் : சுபாஷ் கே ராஜ்
நடிப்பு : அர்ஜூன், அபிராமி, ப்ரீத்தி முகுந்தன், அருண் சிதம்பரம், ஜான் கொக்கன்
இசை : ரவி பஸ்ரூர்
தயாரிப்பு : ஏஜிஎஸ் என்டர்டெயின்ட்மென்ட்
கராத்தே மாஸ்டர் ஒருவர் தன் மகளை சிறு வயதிலிருந்தே தைரியமாகவும் தவறு செய்தால் அதை தட்டி கேட்க வேண்டும் என்றும் சொல்லி சொல்லியே வளர்க்கிறார், இதனால் அந்த பெண் பலருடன் சண்டை போட்டு விடுகிறார், அது தாய்க்கு மன கஷ்டத்தை கொடுக்கிறது, இந்நிலையில் தமிழகத்தில் உள்ள ஒரு கிராமத்தில் 7 ஆயிரம் கோடி மதிப்புள்ள ஒரு சுரங்க ஒப்பந்தத்தை எடுக்கிறார் ஒருவர் . அதற்கு ஆயிரம் கோடி லஞ்சம் கேட்கிறார் ஒரு மந்திரி . அதை ஒரு கொடூர வில்லன் மூலமாக கொடுக்க பிளான் பண்ணுகிறார். அந்த பணம் சம்பந்தப்பட்ட ஒரு முக்கியமான விஷயத்தில் இந்த குடும்பம் சிக்குகிறது. இதன் பின் என்ன ஆனது என்பதே படத்தின் மீதிக்கதை.
ஆக்சன் படங்களுக்கு பெயர் போனவர் அர்ஜூன், அவரை பற்றி சொல்ல தேவையில்லை சண்டைகாட்சிகளில் பொறி பறக்க வைத்து விட்டு, அப்பா பாசம் காட்சிகளிலும் அமர்களம் பண்ணி இருக்கிறார். பெண்கள் வெளியுலகில் வரும் பிரச்சனைகளை தைரியமாக எதிர்கொள்ள வேண்டும் என்று பெண்களுக்கு ஒரு தன்னம்பிக்கையை கொடுத்துள்ளார்,
இதுவரை கவர்ச்சியாக, யூத் புல்லாக நடித்து வந்த பிரீத்தி முகுந்தன் இதில் ஹோம்லி ஆக வருகிறார். வீட்டிற்குள் என்ட்ரி ஆகும் வில்லன் டீமை கொன்று குவிக்கும் சீனில் கை தட்டல் வாங்குகிறார். இடைவேளைக்கு பின் அப்பா அர்ஜூனுடன் இணைந்து போடுகிற சண்டை காட்சிகளும் சிறப்பாக இருந்தது, மற்ற படங்களில் வரும் நாயகியை போல இல்லாமல் ஒரு நல்ல கதாபாத்திரத்தை சிறப்பாக செய்துள்ளார், அதே போல் அர்ஜுன் மனைவி கதாபாத்தில்
அபிராமி நடித்துள்ளார், ஆக்சன் காட்சிகளில் அவரும் பட்டையை கிளப்புகிறார்.
மெயின் வில்லனாக தொழிலதிபர் ஆக வருகிறார் ஜான் கொக்கன். பவன், அருண் சிதம்பரம் என மற்ற வில்லன்களும் அவ்வப்போது காட்சிகளை கவர்கின்றனர். போலீஸ் அதிகாரியாக வரும் திலீபன் கதாபாத்திரம் மனதில் நிற்கிறது.
கேஜிஎப் ரவி பஸ்ரூர் இசை அமைத்து இருக்கிறார். பாடல்கள் இல்லை. ஆனால் சண்டை காட்சிகளுக்கு அவர் இசை பிளஸ். அது சண்டை வீரியத்தை கூட்டுகிறது. ஒவ்வொரு காட்சிகளையும் மிரட்டலாக எடுத்து இருக்கிறார். கேமராமேன் அருண் வொர்க்கு ரசிக்க வைக்கிறது
பெண்களும் வீரமாக இருக்க வேண்டும். தற்காப்புகலைகளை கற்று இருக்க வேண்டும். பிரச்னை வந்தால் யாரையும் நம்பாமல் தானே இறங்கி வம்பு இழுப்பவர்களுக்கு பாடம் கற்று தர வேண்டும் என்று பெண்களுக்கு ஒரு நல்ல பாடத்தை கற்று கொடுத்துள்ளனர். குடும்ப கதையில் ஆக் ஷனை புதுமையாக கொண்டு வந்த விதமும் படத்தை ரசிக்க வைக்கிறது. குடும்பத்துடன் குறிப்பாக வீட்டு பெண்கள், பெண் குழந்தைகளுடன் அனைவரும் பார்க்க வேண்டிய படம்.
மொத்தில் இந்த பிளாஸ்ட் திரையரங்கை பிளாஸ்ட் செய்து விட்டது.
