இயக்குநர் – கென் கருணாஸ்
நடிகர்கள் – கென் கருணாஸ், அனிஷ்மா அனில்குமார் , மீனாக்ஷி, பிரியான்ஷி, சுராஜ் வெஞ்சமுண்டு
இசை – ஜி வி பிரகாஷ் குமார்
தயாரிப்பு – பார்வதா என்டர்டெயின்மென்ட்
ஒருவன் 10ம் வகுப்பில் மிக குறைந்த மதிப்பெண்கள் மட்டுமே எடுத்து தேர்ச்சி பெறுகிறான்,அவனது தாய் கஷ்டப்பட்டு அவனை 11ம் வகுப்பில் சேர்க்கிறார், படிப்பின் மீது கவனம் செலுத்தாமல் காதல் மீது கவனம் செலுத்துகிறார். குடும்பத்தின் நிறை குறைகளை அறிந்து கொள்ளாமல் 12ம் வகுப்பு முடிப்பதற்குள் மூன்று காதல்களை கடக்கிறார். இப்படி காதல் மட்டுமே வாழ்க்கை என்று நினைத்துக் கொண்டிருக்கும் கென் கருணாஸுக்கு, அதை விட வாழ்க்கையில் மிக முக்கியமானது படிப்பும், குடும்பமும் தான் என்பதை புரிய வைக்க கூடிய ஒரு சம்பவம் நடக்கிறது. அது அவனது வாழ்க்கையை எப்படி திசை மாறுகிறது, என்பதை இப்போது இருக்கும் இளைஞர்களுக்கு பிடிக்கும் வகையில் சொல்வதே இந்த ‘யூத்’.
இந்தப் படத்திற்கு ஏற்ப பள்ளி மாணவர் கதாபாத்திரத்திற்கு கச்சிதமாக பொருந்தியுள்ளார் கென் கருணாஸ், காமெடி, செண்டிமெண்ட் என அனைத்து ஏரியாவிலும் அளவாக நடித்து பாராட்டு பெறுகிறார். விஜய், தனுஷ், சிம்பு ஆகியோரது சாயல் அவரது நடிப்பு மற்றும் உடல் மொழியில் தெரிந்தாலும், தனது துள்ளல் நடிப்பு மூலம் படம் முழுவதையும் யூத்புல்லாக நகர்த்தி செல்கிறார். அனிஷ்மா அனில்குமார், மீனாட்சி தினேஷ், பிரியான்ஷி யாதவ் என மூன்று நாயகிகளும் தங்களுக்கு என கொடுக்கப்பட்ட வித்தியாசமான கதாபாத்திரத்தை சிறப்பாக கொடுத்துள்ளனர்,
மேலும் நாயகனின் தந்தையாக நடித்திருக்கும் சூரஜ் வெஞ்சரமோடு தனது எதார்த்தமான நடிப்பின் மூலம் மகன்கள் மீதான அக்கறையை மனதில் வைத்துக்கொண்டு முகத்தில் கோபத்தை வெளிக்காட்டும் அப்பாக்களை பிரதிபலித்திருக்கிறார். நாயகனின் அம்மாவாக நடித்திருக்கும் தேவதர்ஷினிக்கு வழக்கமான அப்பாவித்தனமும், அளவில்லா அன்பும் கொண்ட அம்மா கதாபாத்திரம் என்றாலும், அதை நிறைவாக செய்து பார்வையாளர்கள் மனதில் இடம் பிடிப்பதோடு, இளைஞர்களுக்கு அவர்களது அம்மாக்களை நினைவுப்படுத்தி விடுகிறார். நாயகனின் நண்பர்களாக நடித்திருக்கும் அனைத்து நடிகர்களும் எனர்ஜியோடு நடித்திருக்கிறார்கள். அவர்களது உடல் மொழி மற்றும் டைமிங் வசனங்கள் படத்தை கலகலப்பாக நகர்த்தி செல்ல பெரிதும் உதவியிருக்கிறது.
ஒளிப்பதிவாளர் விக்கி படத்தின் தலைப்புக்கு ஏற்றவாறு காட்சிகளை யூத்புல்லாகவும், கலர்புல்லாகவும் காட்சிப்படுத்தி படத்தை ரசிக்க வைத்திருக்கிறார் . அணைத்து காட்சிகளும் கலர்புள்ளாக இருந்தது,
இந்தப் படம் அனைவருக்கும் பழக்கப்பட்ட கதை என்றாலும் அந்த உணர்வில் இருந்து பார்வையாளர்களை வெளியேற்றி படத்தை ரசிக்க வைப்பதில் ஜி.வி.பிரகாஷ் குமாரின் இசை முக்கிய பங்காற்றியிருக்கிறது. பின்னணி இசை இன்னும் சிறப்பு.
இளைஞர்களுக்கான ஒரு கதையாக இருந்தாலும், அதை மிக நாகரீகமாக கையாண்டிருக்கும் கென் கருணாஸ், பெற்றோருக்கும், பிள்ளைகளுக்கும் இடையிலான புரிதல் மற்றும் செண்டிமெண்ட் காட்சிகளை மிக சிறப்பாக கையாண்டு, இளைஞர்களுக்கான படமாக மட்டும் இன்றி அனைத்து தரப்பினரையும் ரசிக்க வைத்திருக்கிறார்.கென் கருணாஸ், நாயகனாக மட்டும் இன்றி இயக்குநராகவும் மிகப்பெரிய வெற்றி பெற்றிருக்கிறார்.
மொத்தத்தில், ‘யூத்’ அனைவரையும் கவரும்.
