இயக்கம் – தேவி பிரசாத் ஷெட்டி
நடிகர்கள் – விஜய ராகவேந்திரா, கோபால கிருஷ்ணன் டிஷ்பாண்டே, உஷா பண்டாரி
இசை – நவநீத் சாம்
தயாரிப்பு – தேவி பிரசாத் ஷெட்டி & சாத்விக் ஹெப்பர்
ஒரு ஊரில் ஒரு குறிப்பிட்ட வயதுடையவர்கள் மட்டும் கொடூரமான முறையில் கொலை செய்யப்படுகிறார்கள். இதனை மனநலம் பாதித்த ஒருவரால் மட்டுமே செய்ய முடியும் என்று மருத்துவர் தெரிவிக்கிறார். மருத்துவரின் தகவல் மற்றும் ஒரே மாதிரியான கொலை ஆகிய இரண்டு விசயங்களை மட்டுமே வைத்துக் கொண்டு, இத்தகைய கொடூர கொலைகள் செய்யும் கொலையாளியை தேடும் பணியில் ஒரு காவல்துறை அதிகாரி ஈடுபடுகிறார், அந்த கொலையாளியை பிடித்தாரா, இந்த கொலைகளுக்கான காரணம் என்ன என்பதை சஸ்பென்ஸ் கலந்து சொல்வதே இந்த ‘செகண்ட் கேஸ் ஆஃப் சீதாராம்’.
இந்தப் படம் இதற்கு முன்னர் வெளியான ’சீதாராம் பென்ஸி கேஸ் நம்பர் 18’ மற்றும் ‘கேஸ் ஆஃப் கொண்டனா’ ஆகிய படங்களின் தொடர்ச்சியாக வந்துள்ளது,
இந்தப் படத்தில் காவல்துறை அதிகாரியாக நடித்திருக்கும் நாயகன் விஜய ராகவேந்திரா, காவல்துறையினரின் உடல்மொழியை தனது நடிப்பில் கச்சிதமாக வெளிப்படுத்தி கவனம் ஈர்க்கிறார். எந்தவித தடயங்கள் இன்றி கொலையாளியை தேடி செல்லும் அவரது விசாரணை ஒரு நல்ல திரில்லர் படத்திற்கு உதாரணமாக உள்ளது, சிறப்பாக தான் ஏற்று கொண்ட கதாபாத்திரத்தை செய்துள்ளார்,
மேலும் ஒரு முக்கிய கதாபாத்திரத்தில் நடித்திருக்கும் கோபாலகிருஷ்ண தேஷ்பாண்டே, வித்தியாசமான நடவடிக்கைகளை கொண்ட மிரட்டலான கதாபாத்திரத்தை பார்வையாளர்கள் வியக்கும்படி கையாண்டு பாராட்டு பெறுகிறார். இந்த மாதிரியான கதாபாத்திரம் அவருக்கு நன்றாக பொருந்தியுள்ளத்து .
மேலும் நாயகனின் தங்கையாக நடித்திருக்கும் உஷா பண்டாரி சிறப்பான நடிப்பை கொடுத்துள்ளார் .
நவநீத் ஷாமி இசை படத்தின் கதாபாத்திரமாக பயணித்திருக்கிறது. அமைதியான சூழல்களில் கூட பார்வையாளர்கள் மனதில் ஒருவித படபடப்பை ஏற்படுத்தும் பின்னணி இசை படத்திற்கு கூடுதல் பலம் சேர்த்திருக்கிறது. அதே போல ஒளிப்பதிவாளர் ஹேமந்த் காட்சியின் பரபரப்பு மாறாமல் நம்மிடம் ஒரு படபடப்பை கடத்தியுள்ளார், அவரது பணி படத்திற்கு பெரிய பலம்.
என்னதான் முந்தைய கிரைம் சஸ்பென்ஸ் திரில்லர் பாகங்களின் தொடர்ச்சியாக இருந்தாலும் திரைக்கதையில் புதிய அம்சங்களை புகுத்தி, மேக்கிங்கில் மிரட்டியிருக்கிறார். இயக்குனர் தேவிபிரசாத் ஷெட்டி, தொடர் கொலைகள் மற்றும் அதன் பின்னணியை கண்டுபிடிக்கும் காவல்துறை அதிகாரியின் முயற்சிகள், என படத்தின் ஆரம்பம் முதல் முடிவு வரை படு சுவாரஸ்யமாக நகர்ந்து செல்கிறது.
மொத்தத்தில், ’செகண்ட் கேஸ் ஆஃப் சீதாராம்’ திரையில் தவறாமல் பார்க்க வேண்டிய ஒரு படம்.
