இயக்குனர் – ஏ ஆர் ஜீவா
நடிகர்கள் – அனுபமா பரமேஸ்வரன், சார்லி, நிரோஷா
இசை – என்.ஆர். ரகுநந்தன்
தயாரிப்பு – லைகா ப்ரொடக்ஷ்ன்
ஒரு பெண் தனது அப்பா அம்மா மற்றும் தங்கை என ஒரு அழகிய குடும்பத்துடன் வாழ்ந்து வருகிறார், பட்டப்படிப்பு முடித்துவிட்டு, வேலை தேடிக்கொண்டிருக்கிறார். வேலை கிடைத்தாலும், இரவுநேரப் பணியாகவும், வெளியூர் பணியாகவுமே கிடைக்க, அவற்றை ஏற்க மறுக்கிறார் அவரின் அப்பா. இந்நிலையில், வேலை தேடும் படலத்தில், தோழியின் அழைப்பின் பேரில், பெற்றோருக்குத் தெரியாமல் இரவுநேர பார்ட்டி ஒன்றுக்குச் செல்கிறார். அங்கு முதல் முறையாக மது அருந்தும் அவர், போதையில் நடனமாடி மயக்கமாகிறார்.அதன் பின் தான் கருவுற்றிருப்பதை சில நாள்களில் அறிந்து கொள்கிறார்யும் . இந்தப் பிரச்சினையில் இருந்து எப்படி வெளியே வருகிறார் , என்பதே இந்த ‘லாக் டவுன்’ படத்தின் கதை.
இந்தப் படத்தில் தனது கதாபாத்திரத்தின் ஆழத்தை அறிந்து, அதற்குத் தேவையானதை அளித்திருக்கும் அனுபமா பரமேஸ்வரன் மொத்தப் படத்தையும் தாங்கியிருக்கிறார் என்றுதான் சொல்ல வேண்டும். மேலும் தங்களின் அனுபவத்தால் சார்லி, நிரோஷா பலம் பெரும் சேர்க்கின்றனர். அதே போல் பிரியா வெங்கட், ராஜ்குமார் ஆகியோர் தங்களின் கதாபாத்திரத்தை குறைவில்லாமல் செய்திருக்கிறார்கள்.
என்.ஆர். ரகுநந்தன் இசையில், பாடல்கள் ரசிக்கும் படியாக இருந்தது. இரவு நேர லைட்டிங் போன்றவற்றைக் கையாண்ட விதத்தில் கே.ஏ. சக்திவேலின் ஒளிப்பதிவு படத்திற்குப் பலம் சேர்க்கிறது.
இந்தப் படத்தை இயக்குனர் ஏ ஆர் ஜீவா எழுதி இயக்கியுள்ளார். மற்ற படங்களை போல வழக்கமான காட்சிகளே வந்தாலும், நடிகர்களின் பங்களிப்பு அவற்றை கவரும் வண்ணம் இருந்தது. படத்தின் இடைவேளைக்குப் பிறகு விறுவிறுவெனப் பரபரப்பைக் கச்சிதமாக நம்மிடம் கடத்தி விட்டனர்.
மொத்தத்தில் இந்த லாக்டவுன் கண்டிப்பாக ஒரு நல்ல அனுபவத்தை கொடுக்கும்.
