இயக்கம் – செல்லா அய்யாவு
நடிகர்கள் – விஷ்ணு விஷால், ஐஸ்வர்யா லட்சுமி, சாரா, கருணாஸ்
இசை – ஷான் ரோல்டன்
தயாரிப்பு – வேல்ஸ் ஃபிலிம் இன்டர்நேஷனல் மற்றும் விஷ்ணு விஷால் ஸ்டுடியோஸ்
2022 ஆம் ஆண்டு வெளியான கட்டா குஸ்தி படத்தின் தொடர் கதையாக இந்தப்படம் உருவாகியுள்ளது, முதல் பாகத்தின் இறுதியில் நாயகன் நாயகி இருவருக்கும் ஒரு பெண் குழந்தை பிறக்கிறது, குழந்தை பிறந்த பின்னரும் நாயகி தனது கட்டா குஸ்தி விளையாட்டை பின் தொடர நினைக்கிறார், அவருக்கு கணவனும் உதவியாக இருக்கிறார், இந்நிலையில் தனது மகளையும் இதே குஸ்தி போட்டியில் களம் இறக்க அந்த பெண் நினைக்கிறார், ஆனால் குழந்தைக்கு அதில் முழு விருப்பம் இல்லை, எனவே இதனால் கணவன் மனைவி இருவருக்கும் இடையே கருத்து வேறுபாடு ஏற்படுகிறது, இதன் பின் என்ன ஆனது என்பதை நாம் அன்றாட பார்க்கும் ஒரு கணவன் மனைவி பிரச்சினைகளை நகைச்சுவை கலந்து சொல்வதே இந்த கட்டா குஸ்தி 2 படத்தின் கதை.
முதல் படத்தில் நாம் அனைவரையும் கவர்ந்த அதே ஜோடிகள் இணைந்து இந்த படத்திலும் நம்மை ரசிக்க வைத்துள்ளனர்,
நாயகன் விஷ்ணு விஷால் அதே கதாபாத்திரத்தை சற்று மெருகேற்றி மேலும் ரசிக்கும் வண்ணம் செய்துள்ளார், தன் மகளுக்காக பேசும் காட்சிகளில் குழந்தை தாய்மார்கள் என அனைவரையும் கவர்ந்துள்ளார், அதேபோல் ஒரு தாய் எப்படி இருக்க வேண்டும் எப்படி இருக்க கூடாது என்பதை நாம் அறிந்து கொள்ளும் வண்ணம் நாயகியின் கதாபாத்திரம் வடிவமைக்கப்பட்டுள்ளது, ஐஸ்வர்யா முதல் படத்தில் இருக்கும் அதே வேகத்தில் இருக்கிறார், தாய்மை அடைந்த பின் பெண்கள் தங்கள் குறிக்கோளை அடைய எவ்வளவு சிரமம் அடைகிறார்கள் என்பதை தான் நடிப்பின் மூலம் வெளிப்படுத்தியுள்ளார்,
அதன் பின் குழந்தை நட்சத்திரமாக நடித்துள்ள சாரா, நம் பக்கத்து வீட்டு குழந்தை போல தாய் தந்தை சமாளிப்பது , அறிவுரை கூறுவது என கலக்கியுள்ளார், அதே போல கருணாஸ் வழக்கமான தனது காமெடி மூலம் திரையரங்கை சிரிக்க வைத்துள்ளார், மற்ற கதாபாத்திரங்கள் கொடுத்த கதாபாத்திரத்தை சிறப்பாக செய்துள்ளனர்.
இந்த படத்திற்கு ஷான் ரோல்டன் இசையமைத்துள்ளார், அவரது குரலிலும் இசையிலும் பாடல்கள் மீண்டும் மீண்டும் கேட்கும் வண்ணம் உள்ளன, பின்னணி இசை மேலும் வலு சேர்க்கிறது. ஒளிப்பதிவை கே எம் பாஸ்கரன் கையாண்டுள்ளார், படம் நன்கு கலர்புலாக இருந்தது,
சம காலங்களில் நடக்கும் கணவன் மனைவி கருத்து வேறுபாடு, குழந்தை வளர்க்கும் முறை மற்றும் சமூகத்தின் வெளிப்பாடு என ஒரு சோசியல் கருத்துகளை நகைச்சுவை கலந்து சொல்லியுள்ளார் இயக்குனர் செல்லா அப்பாவு , கணவன் மனைவி இருவரும் குழந்தைக்காக விட்டுக் கொடுக்க வேண்டும் என்ற கோரிக்கையையும் நம்மிடம் வைத்துள்ளார், எந்த இடத்திலும் தொய்வில்லாமல் அடுத்தடுத்த கட்டத்திற்கு கதையை நகர்த்தி கொண்டே இருக்கிறார்,
மொத்ததில் இந்த ” கட்டா குஸ்தி 2 ” அனைவருக்கும் பிடித்த ஒரு சோசியல் பொழுதுபோக்கு.
