இயக்கம் -உமாபதி ராமையா
நடிகர்கள் – நட்டி நட்ராஜ் , தம்பி ராமையா , எம் எஸ் பாஸ்கர், இளவரசு, சாந்தினி
இசை – தர்புகா சிவா
தயாரிப்பு – கண்ணன் ரவி குருப்ஸ் – கண்ணன் ரவி
ரேட்டிங் : 3.5/5
வட மாநிலத்தை சேர்ந்த ஒருவர் சென்னைக்கு பிழைப்புக்காக வருகிறார், பின் சில நாட்களீல் எதிர்பாரதவிதமாக பிரபல நடிகராகி விடுகிறார். அவரது முதல் படம் மக்களிடம் வரவேற்பு பெறுவதோடு, மக்கள் மனதில் அடுத்த எம்.ஜி.ஆர் என்ற இடத்தையும் பிடித்து விடுகிறார்.எம்.ஜி.ஆரின் தீவிர ரசிகரான ஒருவர் அவருக்கான அனைத்து உதவிகளையும் செய்து கொடுத்து சினிமாவில் அவரை உச்ச நடிகராக்கும் பயணத்திலும் தன்னை ஈடுபடுத்திக் கொள்கிறார். சினிமாவில் உச்ச நடிகராக உயரும் நடிகரை அரசியல் பேச வைப்பதோடு, புதிய அரசியல் கட்சியையும் தொடங்க வைத்து, 2026 ஆம் ஆண்டு அவர் தான் தமிழகத்தின் முதல்வர், என்ற நம்பிக்கையையும் அவரது மனதில் பதிய வைத்து அரசியலில் பயணிக்க வைக்கும் நிலையில், அவர் எடுக்கும் திடீர் முடிவு அரசியல் உலகின் பெரும் மாற்றத்தையும், தாக்கத்தையும் ஏற்படுத்துகிறது. அதன் பின் என்ன ஆனது என்பதை அரசியல் நையாண்டியாக சொல்வதே இந்த ‘TN 2026’.
இந்தப்படத்தில் கதையின் நாயகனாக நடித்திருக்கும் நட்டி நட்ராஜ் குல்கந்த் குமார் என்ற கதாபாத்திரத்தில் உச்ச நட்சத்திரம் போல மிளிர்கிறார். பிழைப்பு தேடி தமிழ்நாட்டுக்கு வந்து, தமிழை தவறாக உச்சரிப்பதால் மக்கள் மனதில் ஒரு நடிகராக உச்சத்தை தொடும் அவரது நடிப்பு மற்றும் உடல்மொழி அனைத்தும் அவரது கதாபாத்திரத்திற்கு நியாயம் சேர்த்திருக்கிறது.தன் கதாபாத்திரத்திற்கு நியாயம்
சேர்த்துள்ளார்’
அதே போல் ஜமீனாக இருந்தாலும், குல்கந்த் குமாரின் சேவகனாக, அரசியல் வழிகாட்டியாக பயணிக்கும் தம்பி ராமையாவின் தோற்றம் மற்றும் கெட்டப், உச்ச நடிகர் ஒருவரது ரசிகர் மன்ற தலைவரை நினைவுப்படுத்துவதோடு, அவரது நடிப்பு மற்றும் திட்டங்கள், தற்போதைய தமிழக அரசியலின் சூறாவளியாக சுழன்று வரும் ஒரு நடிகரின் செயல் வீரரை நினைவுப்படுத்துகிறது.கண்டிப்பாக அவர் ஒருவரை நினைவிற்கு கொண்டு வருவார்.எம்.எஸ்.பாஸ்கர், இளவரசு ஆகியோர் தங்க நட்சத்திரத்துடன் பயணிக்கும் அரசியல்வாதிகளாக நடித்துள்ளனர். கதாநாயகியாக நடித்திருக்கும் ஷெரிட்டா ராவ், சாந்தினி தமிழரசன், யாஷிகா ஆனந்த், ரெடின் கிங்ஸ்லி ஆகியோர் தங்களின் கதாபாத்திரத்தை சிறப்பாக செய்துள்ளனர்.
இசையமைப்பாளர் தர்புகா சிவாவின் இசையில் பாடல்கள் மற்றும் பின்னணி இசை காட்சிகளுக்கு ஏற்ப பயணித்துள்ளது. ஒளிப்பதிவாளர் பி.ஜி.முத்தையா பழைய காலக்கட்டங்களுக்கான காட்சிகள் மற்றும் பாடல் காட்சிகளை வண்ணங்கள் மூலம் வித்தியாசப்படுத்தி காட்டியிருப்பதோடு, தற்போதைய காலக்கட்டத்தினை அதிகப்படியான வண்ணங்களை பயன்படுத்தாமல் அரசியல் களங்களுடன் ஒத்துப்போகும் விதத்தில் மிக எளிமையாகவும், இயல்பாகவும் காட்சிகளை படமாக்கியிருக்கிறார்.ஒரு புதிய முயற்சி
இந்தப் படத்தை நடிகர் தம்பி ராமையாவின் மகன் உமாபதி ராமையா எழுதி இயக்கியுள்ளார்.காட்சிகள் மற்றும் வசனங்களில் இருக்கும் நகைச்சுவை கலந்த அரசியல் கிண்டல்கள் குறைகளை மறந்து பார்வையாளர்களை குலுங்கி குலுங்கி சிரிக்க வைக்கிறது.
’அமைதிப்படை’ படத்திற்குப் பிறகு நல்ல அரசியல் நையாண்டி படம் வெளியாகவில்லையே! என்ற ஏக்கத்தை போக்கும் விதமாக மட்டும் இன்றி, தற்போதைய நடிகர்களின் அரசியல் மற்றும் பதவி ஆசைக்குப் பின்னால் இருக்கும் பல சுயநலவாதிகளின் சூட்சிகளை கலகலப்பாக சொல்லி ரசிக்க வைத்திருக்கும் இயக்குநர் உமாபதி ராமையா, தேர்தல் நேரத்தில் ஒரு நேர்மையான அரசியல் படத்தை கொடுத்து தமிழக அரசியலில் பெரும் அதிர்வலையை ஏற்படுத்தியிருக்கிறார்.படத்தில் காதல், திருமண உறவில் ஏற்பட்ட சிக்கல் ஆகியவற்றுடன் அவரது ஆரம்பிக்காத அரசியல் பயணத்தின் முடிவுயும் சேர்த்து திரைக்கதையாக்கியிருப்பதோடு, அதை தற்போதைய உச்ச நடிகரின் அரசியல் பயணம் மற்றும் அவரது உருவ தோற்றத்தின் பாதிப்போடு சுவாரஸ்யமாக சொல்லியிருக்கிறார்.
மொத்தத்தில்,இந்த’TN 2026’ மற்றொரு அமைதிப்படை.
