இயக்குநர் – துரை செந்தில் குமார்
நடிகர்கள் – லெஜன்ட் சரவணன், ஷாம், லால் , ஆண்ட்ரியா
இசை – ஜிப்ரான்
தயாரிப்பு – லெஜன்ட் சரவணன் ஸ்டோர் – லெஜன்ட் சரவணன்
கார் மெக்கானிக் ஒருவர் தன் மனைவி இல்லாமல் அவர் மட்டும் கஷ்டப்பட்டு மகளை வளர்த்து வருகிறார், இந்நிலையில் அவர் ஒரு மாஃபியா தலைவரின் காரை சரி செய்கிறார், தொடர்ந்து அவருக்கு இவர் ரெகுலராக காரை சரி செய்கிறார், இதை தெரிந்து கொண்ட காவல் துறை சேர்ந்த ஒரு பெண் அவர் சரி செய்யும் கார்களில் ஆடியோ பக் வைக்குமாறு கேட்கிறார், ஆனால் அதை மெக்கானிக் மறுத்து விடுகிறார், இதனை அறிந்து கொண்ட அந்த மாஃபியா தலைவன் நாயகன் மெக்கானிக்கை நம்பாமல் அவருடன் வாக்குவாதத்தில் ஈடுபடுகிறார், சண்டை பெரிதாக இருவருக்கும் பகையாக மாறுகிறது, இதன் பின் என்ன ஆனது என்பதே இந்த லீடர் படத்தின் மீதிக் கதை.
இந்த படத்தில் நாயகனாக லெஜண்ட் சரவணன் நடித்துள்ளார், முதல் படத்தில் கலவையான விமர்சனம் இருந்தாலும் இரண்டாவது படத்திலேயே அதிரடி ஆக்ஷன் ஹீரோவாக உருவெடுத்து ஆச்சரியப்படுத்தியிருக்கிறார். சாதுவாக அறிமுகமாகி தனது ஒவ்வொரு அதிரடியான செயல்கள் மற்றும் சண்டைக்காட்சிகள் மூலம் திரைக்கதைக்கு பெரும் பலம் சேர்த்திருப்பவர், மகளின் பாசத்திற்காக ஏங்கும் காட்சிகளில் முதிர்ச்சியான நடிப்பை வெளிப்படுத்தியிருப்பவர், தற்போதைய கோலிவுட் மாஸ் ஹீரோக்களே மிரளும் வகையில், தன் கதாபாத்திரத்தை கச்சிதமாக கையாண்டு கைதட்டல் பெறுகிறார். சண்டைக் காட்சிகளில் ஒரு பெரிய ஆக்ஷன் ஹீரோக்களே மிரளும் அளவு நடித்துள்ளார்.
அதே போல நாயகியாக நடித்திருக்கும் பாயல் ராஜ்புத்துக்கு பெரிய வேலை இல்லை என்றாலும், திரைக்கதையின் திருப்பத்திற்கு முக்கிய பங்கு வகித்திருக்கிறார். போலீஸ் இன்ஸ்பெக்டராக நடித்திருக்கும் ஆண்ட்ரியா ஜெர்மையா, போலீஸ் உயர் அதிகாரியாக நடித்திருக்கும் ஷாம், வில்லனாக நடித்திருக்கும் சந்தோஷ் பிரதாப் ஆகியோர் கொடுத்த வேலையை குறையின்றி செய்திருப்பதோடு, அவர்களது திரை இருப்பு படத்திற்கு மிகப்பெரிய அடையாளத்தை கொடுத்திருக்கிறது. பாகுபலி பிரபாகரன், லால், விடிவி கணேஷ், அமிர்தா ஐயர், சிறுமி இயல் என மற்ற கதாபாத்திரங்களில் நடித்திருக்கும் அனைத்து நட்சத்திரங்களும் திரைக்கதை ஓட்டத்திற்கு பலம் சேர்க்கும் வகையில் பயணித்திருக்கிறார்கள்.
இந்தப் படத்திற்கு ஜிப்ரான் இசையமைத்துள்ளார், படத்தில் பாடல்கள் அனைத்தும் இனிமையாக இருக்கிறது. பின்னணி இசை திரைக்கதையின் வேகத்திற்கு ஈடுகொடுக்கும் விதத்தில் பயணித்திருப்பதோடு, அதிகப்படியான ஆக்ஷன் காட்சிகள் இருந்தாலும், அனைத்தையும் ரசிக்கும்படி அளவான சத்தத்தோடு கையாண்டு படத்திற்கு பலம் சேர்த்திருக்கிறது.ஒளிப்பதிவாளர் வெங்கடேஷ்.எஸ், ஹீரோவையும், அவரது சண்டைக்காட்சிகளையும் படமாக்கிய விதம் ரசிக்க கூடிய விதத்தில் இருக்கிறது. காட்சிகளின் தரத்தால் படத்தின் செலவுகளை திரையில் பிரமாண்டமாக தெரிய வைத்திருக்கிறார்.
ஆக்ஷன் படமாக இருந்தாலும், அப்பா – மகள் செண்டிமெண்ட் மூலம் அனைத்து தரப்பினரும் பார்க்கும் படமாக கொடுத்துள்ளார் இயக்குநர் ஆர்.எஸ்.துரை செந்தில், லெஜன்ட் சரவணக்குக்கு என்னதான் கலவையான விமர்சனங்கள் இருந்தாலும் , அவரை அனைவரும் ரசிக்கும் வண்ணம் படத்தை உருவாக்கியுள்ளார், இயக்குனர் மற்றும் லெஜன்ட் சரவணன் இருவருக்கும் நிச்சயம் பாராட்டுக்கள்
மொத்தத்தில், ‘லீடர்’ மறுக்க முடியாத வெற்றி.
