இயக்குநர் – மரியா ராஜா இளஞ்செழியன்
நடிகர்கள் – ஜி வி பிரகாஷ் குமார், ஶ்ரீ கௌரி பிரியா, அப்பாஸ், ஜார்ஜ் மரியான், மதுரை முத்து
இசை – ஜஸ்டின் பிரபாகரன்
தயாரிப்பு – பியாண்ட் பிக்சர்ஸ் – ஜெய் வர்தா
ஒருவர் தனது உருவம் மற்றவர்கள் கேலி செய்யும் விதத்தில் இருப்பதால் மன உளைச்சலுக்கு ஆளாகிறார் எனினும் அவரது திருமணத்துக்கு பின்னர் அவருக்கு பிறந்த தன் மகன் அழகாக இருப்பதை நினைத்து மகிழ்ச்சியடைகிறார், அவரை பொத்தி பொத்தி வளர்க்கிறார். ஆனால் உருவ கேலிக்கு ஆளாகும் தன் தந்தையால் தனக்கு அவமானம் ஏற்படுவதாக எண்ணி, தந்தையை விட்டு விலகி, தனது அடையாளத்தை மறைத்து வாழ விரும்புகிறார். இந்நிலையில் வேலைக்காக பெங்களூர் செல்லும் அவன் அங்கு ஒரு பெண்ணை சந்திக்கிறார். இருவருக்கும் இடையே காதல் மலர்கிறது. பணக்காரரான நாயகியின் தந்தை மகள் காதலுக்கு பச்சைக்கொடி காட்டுகிறார். திருமண ஏற்பாடுகள் தொடங்கும் போது நாயகன் தந்தையின் எளிமையான தோற்றம் மற்றும் எதார்த்தமான செயல்களை பார்த்து கோபமடையும் அவர், அவரை அவமானப்படுத்தும் வகையில் பேசி விடுகிறார். உருவத்தை பார்த்து ஒருவரது தகுதியை தீர்மானிக்கும் அந்த பெண்ணின் தந்தைக்கு நாயகனின் தந்தை ஒரு சரியான பாடம் புகட்டுகிறார். இதனால், இருவருக்கும் இடையே மோதல் ஏற்பட்டு திருமணம் நின்று விடுகிறது. இதன் பின் என்ன ஆனது என்பதை காமெடி எமோஷன் கலந்து சொல்வதே இந்த ஹாப்பி ராஜ் .
மற்ற படங்களை போல இந்தப் படத்திலும் ஜி.வி.பிரகாஷ் தனது சுறுசுறுப்பான நடிப்பு மூலம் படம் முழுவதும் பார்வையாளர்களை ஹேப்பி மூடில் பயணிக்க வைத்துள்ளார், அது மட்டுமில்லாமல் கிளைமாக்ஸ் நெருக்கத்தில் தனது அப்பாவை நினைத்து கண்ணீர் விடும் காட்சிகளில் கண்கலங்க வைத்து விடுகிறார். இது போன்ற கதாபாத்திரத்தில் ஏற்கனவே நடித்திருந்தாலும் இந்த படத்தில் அதனை இன்னும் சிறப்பாக செய்துள்ளார்,
மேலும் நாயகியாக நடித்திருக்கும் ஸ்ரீ கெளரி பிரியாவுக்கு அதிக நேரம் இல்லாமல் நாயகனை காதலிப்பது, அவருடன் நடனம் ஆடுவது என்று தனக்கு கொடுக்கப்பட்ட வழக்கமான பணியை நிறைவாக செய்திருக்கிறார். இதில் ஜி.வி.பிரகாஷின் தந்தையாக நடித்திருக்கும் ஜார்ஜ் மரியன், நகைச்சுவை நடிகர் என்ற பிம்பத்தை உடைத்து சிறந்த குணச்சித்திர நடிகர் என்ற அடையாளத்தை பெற்றிருக்கிறார். நாயகனுக்கு இணையான மக்கள் மனதில் இடம் பிடிக்கும் அளவுக்கு பலம் வாய்ந்த கதாபாத்திரத்தில் மிக சரியாக பொருந்தியிருக்கும் ஜார்ஜ் மரியன், தனது இயல்பான உடல் மொழி மற்றும் வசன உச்சரிப்பு மூலம் பார்வையாளர்களின் இதயங்களை வென்று விடுகிறார். பல ஆண்டுகளுக்கு pin நாயகியின் தந்தையாக நடித்திருக்கும் அப்பாஸ், கதாபாத்திரத்திற்கு பொறுத்தமான தேர்வாக இருப்பதோடு, தனக்கு கொடுக்கப்பட்ட வேலையை சரியாகவும் செய்திருக்கிறார்.
மதுரை முத்து மற்றும் அதிர்ச்சி மதன் ஆகியோர் வரும் காட்சிகள் கொஞ்சம் சிரிக்க வைக்கிறது. நாயகியின் அம்மாவாக நடித்திருக்கும் தேவி மகேஷ், ஜி.வி.பிரகாஷின் கல்லூரி காதலி பிரார்த்தனா நாதன் ஆகியோர் கொடுத்த வேலையை குறையின்றி செய்திருக்கிறார்கள்.
இந்த படம் ஜஸ்டின் பிரபாகரன் இசையில் பாடல், பின்னணி இசையில் கமர்ஷியல் அம்சங்களோடு பயணித்து திரைக்கதைக்கு பலம் சேர்த்திருக்கிறது. மதன் கிரிஸ்டோபரின் ஒளிப்பதிவு காட்சிகளை கலர்புல்லாக படமாக்கி படத்தை பிரமாண்டமாக காண்பித்திருக்கிறது. குறிப்பாக கதாநாயகி மீது தனி கவனம் செலுத்தியிருக்கும் ஒளிப்பதிவாளர் அவரை பளபளப்பாக காட்டுவதில் அதிகம் மெனக்கெட்டிருக்கிறார்.
ஒரு சாதாரண தந்தை – மகன் இடையிலான புரிதல் மற்றும் உணர்வுப்பூர்வமான உறவை நகைச்சுவை பின்னணியில் சொல்லியிருக்கும் இயக்குநர் மரியா ராஜா இளஞ்செழியன், உருவ கேலிக்கு ஆளாகும் நபர்களின் மன வலி மற்றும் அதனை தாண்டிய அவர்களுக்கான மகிழ்ச்சியை மிக சிறப்பாக பதிவு செய்திருக்கிறார். முதல் ஹீரோ அப்பா என்று சொன்னாலும், அந்த அப்பாக்களையே அவமானமாக பார்க்கும் சில பிள்ளைகளுக்கு சாட்டையடி அறிவுரை சொல்லியிருக்கும் இயக்குநர் மரியா ராஜா இளஞ்செழியன்,
மொத்தத்தில், ’ஹேப்பி ராஜ்’ பார்க்கும் அனைவருக்கும் ஹேப்பி.
