இயக்குனர் – ராகுல் அசோக்
நடிகர்கள் – அபர்நதி, இளவரசு, ஜான் விஜய், லிவிங்ஸ்டன்
இசை – கார்த்திக் ராஜா
தயாரிப்பு – ஏ சி புரொடக்ஷன் – ஏ பி அசோக் குமார்
ஒரு பெண் சிறு வயதில் இருந்தே தன்னைப் பற்றி மற்றவர்கள் பேச வேண்டும் எண்ணத்தில் வளர்க்கிறார், அதற்கான முயற்சியில் 10ம் வகுப்பு பொதுத்தேர்வில் மாநிலத்திலேயே முதல் மாணவியாக வருகிறார். ஆனால், அந்த பாராட்டும், புகழ்ச்சியும் மூன்று நாட்களில் அடங்கிப் போனதால், தன்னைப் பற்றி தொடர்ந்து மற்றவர்கள் பேசிக்கொண்டே இருக்க வேண்டும் என்ற தனது எண்ணத்தில் தீவிரம் காட்டுபவர், அதற்காக சில அதிர்ச்சிகரமான சம்பவங்களை செய்கிறார். வளர்ந்து மாவட்ட ஆட்சியராகி, தன் பதவியின் மூலமும், தனது நடவடிக்கைகள் மூலம் மற்றவர்களின் பாராட்டுகளை பெறும் அந்த பெண்ணிற்கு, முதலமைச்சர் மூலம் தடை ஏற்படுகிறது, அந்த தடையை எப்படி கடக்கிறார் அதன் பின் என்ன ஆனது என்பதே இந்த ‘வெஞ்சென்ஸ்’.
இந்த படத்தில் கதையின் நாயகியாக நடித்திருக்கும் அபர்ணதி, தைரியமும், புத்திசாலித்தனமும் நிறைந்த ஒரு பெண்ணாக நடித்திருக்கிறார், முன்னாள் அரசியல் பெண் தலைவரை ஞாபகப்படுத்தும் அளவிற்கு அவரது நடிப்பு உள்ளது,
முதலமைச்சர் கதாபாத்திரத்தில் நடித்துள்ளார் இளவரசு, மத்திய அமைச்சராக நடித்திருக்கும் ஜான் விஜய், அபர்ணதியின் தந்தையாக நடித்திருக்கும் காளி வெங்கட், எதிர்க்கட்சி தலைவராக நடித்திருக்கும் லிவிங்ஸ்டன், முன்னாள் முதலமைச்சராக நடித்திருக்கும் ஒய்.ஜி.மகேந்திரன், அமைச்சராக நடித்திருக்கும் சரவண சுப்பையா ஆகியோரது கதாபாத்திரங்கள் தமிழக அரசியல் சம்பவங்களையும், அரசியல்வாதிகளையும் நினைவுப்படுத்தும் விதத்தில் வடிவமைக்கப்பட்டுள்ளது.
இந்த படத்திற்கு கார்த்திக் ராஜாவின் இசையில் பாடல்களும், பின்னணி இசையும் திரைக்கதையின் வேகத்திற்கு பெரிதும் உதவியுள்ளது. எம்.எஸ்.பிரபுவின் ஒளிப்பதிவு படத்தின் தரத்தை பல மடங்கு அதிகரிக்கச் செய்திருக்கிறது. உண்மை சம்பத்தை போல படத்தை பதிவு செய்துள்ளார்.
ஒரு எளிய பெண்ணின் தன்னைப் பற்றி மற்றவர்கள் பேச வேண்டும் என்கிற எண்ணம் மற்றும் பழிவாங்கும் செயலை கதைக்கருவாக வைத்துக் கொண்டு, தமிழக அரசியல் சம்பவங்களை எடுத்துக் கொண்டு அதனை திரைக்கதையாக்கி படத்தை விறுவிறுப்பாகவும் நகர்த்தியிருக்கிறார் இயக்குநர் ராகுல் அசோக். நிச்சயம் பாராட்டுக்கள்.
மொத்தத்தில், ‘வெஞ்சென்ஸ்’ ஓர் நல்ல அரசியல் எடுத்துக்காட்டு
