இயக்குனர் – கணேஷ் சந்திரா
கணேஷ் சந்திரா
இசை – விஜய் ஆண்டனி
நடிகர்கள் – அஜய் திஷன் , ஆர்.கே.தனுஷா , பாண்டியராஜன்
ஒரு காதலர்கள் சில வருடங்களாக காதலித்து வருகிறார்கள் , அவர்கள் திருமணத்திற்கு தயாராகும்போது இருவருக்கும் சண்டை வருகிறது. இந்த சண்டை எல்லை மீறி போக ஒரு கட்டத்தில் இருவரும் ஒருவரை ஒருவர் அடித்துக் கொள்ள, அதை ஒருவர் வீடியோ எடுத்து இணையதளத்தில் பதிவு செய்து விடுகிறார், இது வைரலானதால் இருவரும் பிரிந்து விடுகின்றனர், எனினும் இந்த பிரிவில் இருந்து இருவருமே வெளிவர முடியாமல் தவிக்கின்றனர். இருவரும் தங்களின் நினைவுகளை மறக்க பல விஷயங்களில் கவனத்தை செலுத்துகின்றனர், எதுவும் பயன் தரவில்லை. இருவருக்கும் இன்னொரு காதலும் மலர்கிறது. ஆனால், பழைய காதலின் நினைவுகள் அவர்களை எதிலும் ஈடுப்படவிடாமல் தடுக்கிறது. ஒரு கட்டத்தில் இருவம் திருமணமே இதற்கு பதில் என வேறு ஒருவரை திருமணம் செய்ய முடிவு செய்கின்றனர். அந்த திருமணம் நடந்ததா ? இல்லை இருவரும் இணைந்தார்களா என்பது தான் படத்தின் மீதிக்கதை.
இப்படத்தில் துறுதுறு இளைஞராக வருகிறார் புதுமுக நாயகன் அஜய், என்னதான் முதுமுகமாக இருந்தாலும் நன்றாகவே நடித்திருக்கிறார். பல இடங்களில் அவரது வெகுலியான நடிப்பின் மூலம் ரசிகர்களை கவர்ந்துள்ளார்,
அதே போல ஹீரோயினாக நடித்து இருக்கும் தனுஷா கதாபாத்திரதை கச்சிதமாக உள்வாங்கி அழகான நடிப்பை கொடுத்துள்ளார், மேலும் நடிகை ஷியாரா காதல் சீன்களில் விறுவிறுப்பாக நடித்துள்ளார்.
இந்தப் படத்தில் முக்கிய பலமாக விஜய் ஆண்டனியின் இசை உள்ளது , திரைக்கதை சற்று தொய்வடைந்தாலும் அவரது இசை நம்மை ஈர்த்துள்ளது,
மேலும் இப்படத்தை ஒளிப்பதிவு செய்து இயக்குனராக அறிமுகமாகி இருக்கிறார். அவரது ஒளிப்பதிவு படத்திற்கு பெரிய பலத்தை கொடுத்துள்ளது, இன்றைய இளம் தலைமுறையினர் மனநிலை, அவர்கள் காதலையும், வாழ்க்கையையும் பார்க்கும் விதத்தில் இந்த படத்தை உருவாக்கியுள்ளார் இயக்குநர்,
மொத்ததில் இந்த ” பூக்கி ” இளசுகளை கண்டிப்பாக கவரும்.
