இயக்கம் : கே.ஆர்.வினோத்
நடிகர்கள் – லெனின், அஸ்மின், ஆர்.வி.உதயகுமார்
இசை : கைலாஷ் மேனன்
தயாரிப்பு : ரேவ்கன் பிலிம் பேக்டரி
ஒரு கல்லுாரியில் மாணவர் தேர்தல் அறிவிக்கப்படுகிறது. பல படங்களில் பார்த்ததை போல அந்த ஏரியா எம்.எல்.ஏ மகன் அட்ராசிட்டி செய்து, அந்த தேர்தலில் வெற்றி பெற ஆசைப்படுகிறான். இன்னொரு நல்ல மாணவன் அந்த பதவிக்கு வர வேண்டும் என்று மற்ற மாணவர்கள், கல்லுாரி ஆசிரியர்கள் நினைக்கிறார்கள். நாளுக்கு நாள் எம்.எல்.ஏ மகனின் ரவுடிதனம் அதிகமாக, அதே கல்லுாரியில் படித்து மாணவர் தேர்தலில் ஜெயித்த, முன்னாள் மாணவன் உதவியை அவர்கள் நாடுகிறார்கள். அவரும் கல்லுாரிக்கு வந்து . உதவுகிறார் , அப்போது கல்லுாரி வளாகத்தில் ஒரு ஆண் மாணவரை கொலை செய்து விடுகிறார்கள். அந்த கொலையை செய்தது யார்? போலீஸ் அவர்களை கண்டுபிடித்தார்களா என்பதுதான் ரெட் லேபில் கதை.
இந்த படம் வில்லன் அணிக்கு எதிராக, ஹீரோ அஸ்மின் என்ட்ரி ஆவதில் இருந்து கதை ஓரளவு சூடுபிடிக்கிறது. அதில் அவர் காலத்தில் நடந்த தேர்தல், பிரச்னைகள், அவரின் காதல் வருகிறது. பல படங்களை பார்த்தது போல இருந்தாலும் நமக்கு ஒரு மறக்க முடியாத அனுபவம் தான் . குறிப்பாக நாயகன் நாயகி பேசும் வசனங்கள் முடிவு மிகவும் புத்திசாலிதனமாக இருந்தது,
பல வெற்றி படங்களை இயக்கிய இயக்குநர் ஆர் வீ உதயகுமார், எம்எல்ஏவாக தனது வில்லத்தனமான நடிப்பால் ரசிக்க வைக்கிறார். அவர் சம்பந்தப்பட்ட காட்சிகள் படத்துக்கு பெரிதும் உதவியது, . அவருக்கும், அவர் பிஏ அனுமோகனுக்குமான சீன்கள் நன்றாக இருக்கிறது. இனி, அவரை அதிக படங்களில் வில்லனாக பார்க்கலாம். முனிஸ்காந்த் ஒரு சீனில் வந்து போகிறார். அந்தக் காட்சியும் நன்றாக இருந்தது,
இந்தப் படத்தில் வழக்கமான கல்லுாரி தேர்தல், காதல் மோதல் என ஒரு கமர்ஷியல் படமாக உருவாகியுள்ளது, கல்லுாரி வளாகத்தில் ஒரு கொலை நடப்பதில் இருந்து விறுவிறுப்பு களமாக மாறுகிறது. அந்த பிணத்தை வைத்துக் கொண்டு மாணவர்கள் படும் பாடு, புத்திசாலி தனமாக கொலை மறைக்க முயற்சிப்பது, அப்போது நடக்கும் விஷயங்கள் திரைக்கதையில் நல்ல இடங்கள்
இந்த படத்தில் பல மையக்கரு இடம் பெற்றுள்ளது, ஒரு கதைக்கு அடுக்காக மாணவர் தேர்தல், காதல், அரசியல் தலையீடு, கொலை, துப்பறிவு விசாரணை, திருப்பம் என பல கலந்து சொல்லியிருக்கிறார் இயக்குனர்.
மொத்ததில் இந்த ரெட் லேபில் பழைய பாட்டிலாக இருந்தாலும், நல்ல சுவை.
