இயக்குனர் – பிரகாபால்
நடிகர்கள் – யுவன் கிருஷ்ணா, ரிதான் கிருஷ்ணாஸ், அம்மு அபிராமி, காளி, மதுசூதன் ராவ், சித்தன் மோகன்,
இசை – சக்தி பாலாஜி
தயாரிப்பு – PK7 ஸ்டுடியோஸ் LLP – பிரேமா கிருஷ்ணதாஸ் – சி தேவதாஸ் & ஜெயா தேவதாஸ்
இந்தப் படம் மதுரையின் பாரம்பரியமான கிடா சண்டையை மையமாக வைத்து உருவாக்கியுள்ளனர். மதுரை மற்றும் அதனை சுற்றியுள்ள கிராமங்களில் நடைபெறும் கிடா சண்டை தான் படத்தின் மையக்கரு. ஒரு ஆட்டோ ஓட்டுனர் காளி என்ற சண்டை கிடா ஒன்றை , வளர்க்கிறார். அவரது கிடா களத்தில் இறங்கினால் மற்ற கிடாக்களை துவம்சம் செய்யும். மறுபுறம், இன்னொருவர் அணுகுண்டு என்ற கிடாவை வளர்த்து வருகிறார். அதுவும் சண்டை களத்தில் ராஜாவாக வலம் வருகிறது. இந்நிலையில் ஒரு போட்டியில் காளி, அணுகுண்டை தோற்கடிக்க, அது கௌரவ பிரச்சினையாக மாறுகிறது. இந்த தோல்வியால் ஆத்திரமடைந்து ராமரின் குடும்பத்தையும், அவனது கிடாபையும் பழிவாங்க துடிக்கிறார். இறுதியில் என்ன ஆனது என்பதே ஜாக்கி படத்தின் கதை.
இந்தப் படத்தில் யுவன் கிருஷ்ணா மற்றும் ரிதான் கிருஷ்ணா இருவருமே மதுரையை சேர்ந்த இளைஞர்களாக நடித்துள்ளனர், நம் ஊர் இளைஞரை போல கச்சிதமாக கதாபாத்திரத்திற்கு பொருந்தியுள்ளனர், அவர்களை விட ஒரு படி மேல் களத்தில் மோதும் ஆடுகளின் நடிப்பு தான் அனைவரையும் ஆச்சரியப்படுத்தி உள்ளது. பல கட்ட பயிற்சிக்கு பிறகு இப்படி ஒரு கிடா சண்டை நாம் பார்த்திராத வண்ணம் உருவாக்கியுள்ளனர்,
மேலும் இதில் கதாநாயகியாக வரும் அம்மு அபிராமி, தனது வழக்கமான யதார்த்தமான நடிப்பால் படத்திற்கு வலு சேர்த்துள்ளார். அதே போல் மதுசூதன் ராவ் ஒரு முக்கிய கதாபாத்திரம் ஏற்று நடித்துள்ளார்,
இந்தப் படத்திற்கு சக்தி பாலாஜியின் பின்னணி இசை மற்றும் பாடல்கள் படத்தின் காட்சிகளை மெருகேற்றுகின்றன. குறிப்பாக சண்டை காட்சிகளின் போது பின்னணி இசை சிறப்பாக இருந்தது, மதுரையின் புழுதி படிந்த மைதானங்களையும், கிடாக்கள் மோதும்போது காட்சிகளையும் மிக தத்ரூபமாக படமாக்கியுள்ளார் ஒளிப்பதிவாளர் என்.எஸ்.உதயகுமார்.
இயக்குநர் பிரகபல் கண்டிப்பாக பாராட்டத்தக்க ஒரு இயக்குனர் இந்த களத்தை எடுத்துக் கொண்டே படப்பிடிப்பிற்கு பல நாட்கள் முன்னர் அவரது குழுவுடன் மதுரையில் தங்கி நீண்ட காலமாக அங்கு நடக்கும் நிகழ்வுகளை பதிவு செய்து அதன் பின் இந்த படத்தை எடுத்துள்ளார், மதுரை மண் சார்ந்த ஒரு கதையை தேர்ந்தெடுத்து, அதை முடிந்தவரை குறை இல்லாமல் படமாக்கியுள்ளார்.
மொத்ததில் கந்த ” ஜாக்கி ” நிச்சயமாக பந்தயம் அடிக்கும்
