இயக்குனர் – சண்முகம் முத்துசாமி
நடிகர்கள் – ஹரிஷ் கல்யாண்,அதுல்யா ரவி,வினய் ராய்,சாய் குமார்
இசை – திபு நினன் தாமஸ்
தயாரிப்பு – எஸ் பி சினிமாஸ் – தேவ ராஜுலு மார்க்கண்டேயன்
வட சென்னை மீனவ பகுதியை சேர்ந்த மக்களில் ஒருவர் தனது வளர்ப்பு தந்தை உடன் வாழ்ந்து வருகிறார், வட சென்னையில் இருக்கும் எண்ணெய் சுத்திகரிப்பு ஆலைக்கு கச்சா எண்ணெய்யை எடுத்துச் செல்ல ராட்சத குழாய் அமைக்கப்பட்டதால் மீனவ மகக்ள் வாழ்வாாரத்தை இழந்து தவிக்கிறார்கள். ராட்சத குழாய் திட்டத்திற்கு எதிராக அவர்கள் போராடியும் பலனில்லாமல் போகவே ஒரு கட்டத்தில் கச்சா எண்ணெய்யை திருட ஆரம்பிக்கிறார்கள்.மகனின் உதவியுடன் கச்சா எண்ணெய் திருடும் தொழிலை அமோகமாக நடத்தி வருகிறார் தந்தை. அதில் கிடைக்கும் பணத்தை வைத்து மீனவ மக்களுக்கு உதவி செய்கிறார். அவர்கள் திருடும் கச்சா எண்ணெய்யை ஒருவருக்கு விற்கிறார்கள். இந்நிலையில் கை சுத்தமில்லாத போலீசான மற்றும் அவரின் உதவியாளர் பாலமுருகன் ஆகியோர் கச்சா எண்ணெய் திருட்டை வைத்து லாபம் பார்க்க முயற்சி செய்யவே பிரச்சனை ஏற்படுகிறது.இதன் பிறகு என்ன ஆனது என்பதே இந்த படத்தின் மீதிக்கதை.
முதல் பாதி விறுவிறுப்பாக துவங்கிய போதிலும் ஹீரோ அறிமுகமாக பாடல், காதல் பாடல் எல்லாம் வந்து விடுகிறது. ஹரிஷ் கல்யாண், அதுல்யா ரவி வரும் காதல் பாட்டு நன்றாக இருந்தது,
மீனவ சமூகத்தை சேர்ந்தவராக சிறப்பாக நடித்திருக்கிறார் ஹரிஷ் கல்யாண். தன் மக்களுக்காக போராடும் ஆக்ஷன் ஹீரோவாக அபார நடிப்பை வெளிப்படுத்தியிருக்கிறார். அதுல்யா ரவிக்கு படத்தில் பெரிதாக வேலை இல்லை. அதனால் கொடுத்த வேலையை மட்டும் செய்திருக்கிறார். ஹரிஷ் கல்யாண், அதுல்யா ரவி இடையேயான கெமிஸ்ட்ரி நன்றாக ஒர்க்அவுட் ஆகியுள்ளது. மோசமான டிசிபியாக நடித்திருக்கிறார் வினய் ராய்.
படத்திற்கு இசை ஒரு முக்கிய பலம் என்றே சொல்லலாம் இசையமைப்பாளர் திபு நினன் தாமஸ் தனது பணியை அற்புதமாக செய்துள்ளார், அதே போல் எம் எஸ் பிரபு தனது ஒளிப்பதிவில் சிறிதும் குறையில்லாமல் படத்தை ஒரு படி மேலே கொண்டு செல்ல உதவியுள்ளார்,
லப்பர் பந்து, பார்க்கிங் ஆகிய படங்களில் ஸ்கோர் செய்த ஹரிஷ் கல்யாணுக்கு டீசல் படம் ஒரு புது முயற்சி. முதல் முறையாக தீபாவளி பண்டிகை ஸ்பெஷலாக ஹரிஷ் கல்யாணின் படம் திரைக்கு வந்திருக்கிறது. ஒரு நல்ல பிரச்சனையை கையில் எடுத்து படமாக்க முயற்சி செய்திருக்கிறார் சண்முகம் முத்துசாமி. கண்டிப்பாக அவருக்கு இது முக்கியப் படமாக அமையும்.
மொத்தத்தில் இந்த டீசல் ஒரு நல்ல கமர்ஷியல் சினிமா.
