இயக்கம் – ஜி வி பெருமாள்
நடிகர்கள் – தர்ஷன் பிரியன், சார்மி விஜயலக்ஷ்மி, ஜே மனோஜ், ஷகிலா
இசை – பாரதி ராஜா
தயாரிப்பு – ஜி வி பி பிக்சர்ஸ் – ஜி வி பெருமாள்
ஒரே கல்லூரியில் படிக்கும் மாணவர்கள் காதலித்து வருகின்றனர், பெண்ணின் குடும்பத்தார் காதலுக்கு எதிர்ப்பு தெரிவிப்பதோடு, காதலனை கொலை செய்யவும் முயற்சிக்கிறார்கள். அவர்களிடம் இருந்து உயிர் பிழைத்து வாழ வேண்டும் என்பதற்காக காதலர்கள் இருவரும் , யாரும் யோசித்து கூட பார்க்க முடியாத ஒரு விசயத்தை செய்கிறார்கள். அது என்ன ? அதன் மூலம் அவர்களது காதல் வாழ்க்கை என்னவானது ? என்பதை வித்தியாசமான முறையில் சொல்வதே இந்த ‘சரீரம்’ படத்தின் கதை .
இந்தப் படத்தில் நாயகனாக நடித்திருக்கும் தர்ஷன் பிரியன், நடனம், நடிப்பு, ஆக்ஷன் என அனைத்து விசயங்களையும் நன்கு கற்றுத்தேர்ந்தவராக இருக்கிறார். காதலுக்காகவும், காதலிக்காவும் எதையும் செய்ய துணிந்தவர், தனது சரீரத்தையே மாற்றிக் கொள்ள சம்மதித்து, அதன் மூலம் எதிர்கொள்ளும் பிரச்சினைகள், வலிகள் ஆகியவற்றை தனது தனது நடிப்பின் மூலம் சிறப்பாகவே பிரதிபலித்திருக்கிறார். கண்டிப்பாக மற்ற இயக்குனர்கள் கவனத்தை ஈர்ப்பார்.
மேலும் நாயகியாக நடித்திருக்கும் சர்மி விஜயலட்சுமி, எளிமையான அழகோடு, எதார்த்தமாக நடித்து கவனம் ஈர்க்கிறார். நாயகனுக்கு இணையான வேடத்தில் அழுத்தமான கதாபாத்திரத்தில் அளவாகவும், நிறைவாகவும் நடித்திருக்கிறார். வில்லனாக நடித்திருக்கும் ஜெ.மனோஜ், நாயகியின் தந்தையாக நடித்திருக்கும் ‘புதுப்பேட்டை’ சுரேஷ், போலீஸ் இன்ஸ்பெக்டராக நடித்திருக்கும் ஜி.வி.பெருமாள் மலைச்சாமி என மற்ற வேடத்தில் நடித்திருப்பவர்கள் கதாபாத்திரத்திற்கு ஏற்ப நடித்திருக்கிறார்கள்.
இந்தப் படத்திற்கு ஒளிப்பதிவாளர்கள் கே.டொர்னாலா பாஸ்கர் ஒளிப்பதிவு செய்துள்ளார், மற்றும் பரணி குமார் மகாபலிபுரம் மற்றும் அதன் சுற்றுவட்டாரப் பகுதிகளில் முழு படத்தையும் படமாக்கியிருக்கிறார்கள். படத்தின் தரத்தை உயர்த்தியிருக்கிறார்கள். இசையமைப்பாளர் பாரதிராஜா இசையில் பாடல்கள் கேட்கும் ரகமாக இருக்கிறது, பின்னணி இசையம் கதைக்கு ஏற்றபடியும் பயணித்திருக்கிறது.
இந்தப் படம் காதல் கதையாக இருந்தாலும், அதில் வேற்று பாலினத்தவரின் வலிகளையும், அவர்கள் எதிர்கொள்ளும் பிரச்சனைகள் பற்றியும் இயக்குநர் ஜி.வி.பெருமாள் பேசியுள்ளார், படத்தின் ஆரம்பம் வேறாக இருக்க முடிவு மீண்டும் ஆரம்பித்த இடத்தை வந்து சேர்ந்தது சிறப்பு.
மொத்தத்தில், ‘சரீரம்’ காதலர்களின் ஒரு வித்தியாசமான முயற்சி .
