ஒரு போலீஸ் உயர் அதிகாரி மற்றும் அவரது மனைவி, மகள் மற்றும் மருமகன் என சந்தோஷமான வாழ்க்கை வாழ்ந்து வருகின்றனர், இந்நிலையில் போலீஸ் அதிகாரியின் மகள் தூக்கிட்டு தற்கொலை செய்து கொள்கிறாள், இந்த சம்பவம் பெரிய சோகத்தையும் குழப்பத்தையும் அளிக்கிறது,
இதனையடுத்து போலீஸ் அதிகாரியூம் அவரது மனைவியும்அழுது கொண்டு தனது மகளின் உடலை பார்க்கச் செல்கின்றனர். மகளின் உடலை பார்த்ததும் இருவருமே உடைந்து போகிறார்கள்.
2 வருடங்களுக்கு முன்பு ஒரு ஜோடிகள் காதலிக்கின்றனர். பெண்ணின் தந்தையான போலீஸ் அதிகாரி காதலுக்கு உடனே பச்சைக் கொடி காட்டுகிறார். ஆனால் அவரது. மனைவி வேற்று சாதியைச் சேர்ந்த ஒருவன் தனக்கு மருமகனாக வர முடியாது என்று கூறி விடுகிறார். இதனையடுத்து தனது அண்ணன் மகனுக்கு தனது மகள் காயத்ரியை மணமுடித்தும் கொடுத்து விடுகிறார் . தனது மகளின் மரணத்திற்கு நீ தான் காரணம் என்று மனைவியை வெறுக்கிறார். இறுதியில் அந்தப் பெண்ணின் மரணம் கொலையா? அல்லது தற்கொலையா.? என்பதே ’காயல்’ படத்தின் மீதிக்கதை,
அனுமோல், ஐசக் வர்கீஸ் இருவரும் படத்தின் கதையை நகர்த்தி செல்லும் முக்கிய கதாபத்திரத்தில் வாழ்ந்திருக்கிறார்கள் என்றுதான் சொல்ல வேண்டும்
நாயகனாக நடித்திருக்கும் லிங்கேஷ் காதலனாகவும் காதலி குடும்பத்திற்கு துணை நிற்கும் கதாபாத்திரத்தில் சிறப்பான நடிப்பபை கொடுத்திருக்கிறார்.
நாயகியாக வரும் காயத்ரி கொடுத்த வேலையை சரியாக செய்திருக்கிறார். மற்றோரு நாயகியாக வரும் ஸ்வகதா கிருஷ்ணா காதல் மற்றும் கவர்ச்சியில் தாராளம் காட்டியிருக்கிறார். நண்பராக வரும் ரமேஷ் திலக் மற்றும் படத்தில் நடித்த அனைவரும் கதைக்கு ஏற்ற தேர்வாக உள்ளனர்.
இசையமைப்பாளர் ஜஸ்டின் இசையில் பாடல்கள் மற்றும் பின்னணி இசை இரண்டுமே படத்திற்கு பக்க பலமாக உள்ளது. கார்த்திக் ஒளிப்பதிவு நீண்ட துறை பயணத்தை அழகாக காட்சிப்படுத்தியிருக்கிறார்.
ஒட்டு மொத்தமாக அனைத்து உணர்வுகளும் இப்படத்தில் காட்சிப்படுத்தப்பட்டுள்ளது. காதல், பாசம், சாதி பிரிவினை ஆகியவற்றை மைய கருவாக வைத்து ஒரு அழகான திரைப்படத்தை உருவாக்கியிருக்கிறார். இயக்குனர் தமயந்தி இத்திரைப்படத்தை ஆரம்பம் முதல் இறுதிவரை அடுத்து என்ன நடக்கும் என்று யாரும் யூகிக்க முடியாத விதத்தில் திரைக்கதையை நகர்த்தி சென்றிருக்கிறார். மொத்தத்தில் மனித உணர்வுகளுக்கு முக்கியத்துவம் கொடுத்து இந்தப் படத்தை எடுத்துள்ளனர்,
